ತಿಂಡಿಪೋತ ಸಾಕು ಪ್ರಾಣಿಗಳು ಯಾವಾಗಲೂ ಮನೆಯಲ್ಲಿ ತಿಂಡಿಯ ತಲಾಷೆಯಲ್ಲಿ ಇರುತ್ತವೆ. ಆವಾಗ ಅವುಗಳನ್ನು ನೋಡುವುದು ಬಲೇ ಕ್ಯೂಟ್ ಆಗಿರುತ್ತದೆ. ಕೆಲವೊಮ್ಮೆ ತುಂಟ ಪ್ರಾಣಿಗಳು ಅಡುಗೆ ಮನೆಗೆ ದಾಳಿ ಮಾಡುವ ಸಾಧ್ಯತೆಗಳೂ ಇರುತ್ತವೆ .
ಗೋಲ್ಡನ್ ರಿಟ್ರೈವರ್‌ ಶ್ವಾನವೊಂದು ಹೀಗೇ ಅಡುಗೆ ಮನೆಯ ಕೌಂಟರ್‌ನಿಂದ ಪೆಟ್‌ ಫುಡ್ ಅನ್ನು ಕದಿಯುತ್ತಿರುವ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಬೆಂಚ್‌ಟಾಪ್ ಮೇಲೆ ಏರ್‌ಟೈಟ್‌ ಡಬ್ಬಿಯಲ್ಲಿ ಇಟ್ಟಿರುವ ಆಹಾರವನ್ನು ಕದಿಯಲು ನೋಡುತ್ತಿರುವ ಈ ಶ್ವಾನವು ತನ್ನ ಹಿಂದಿನ ಕಾಲುಗಳ ಮೇಲೆ ನಿಂತಿರುವುದನ್ನು ನೋಡಬಹುದಾಗಿದೆ.
ಆದರೆ, ತನ್ನ ಈ ಯತ್ನದಲ್ಲಿ ಮಾಲೀಕರಿಗೆ ಸಿಕ್ಕಿಬಿದ್ದ ಆ ಮುದ್ದು ನಾಯಿಯ ಮುಖವನ್ನು ನೋಡುವುದು ಇನ್ನಷ್ಟು ಮಜವಾಗಿದೆ. ’ಅಯ್ಯೋ ಸಿಕ್ಕಾಕಿಕೊಂಡುಬಿಟ್ಟೆ’ ಎಂಬ ಮುಖಭಾವದಲ್ಲಿರುವ ಅದರ ಮುಖವನ್ನು ನೋಡುವುದೇ ಒಂದು ಮಜ.
Loading ...