ಸಾವಿಗೀಡಾದ ಎಂದು ಭಾವಿಸಿದ್ದ ಯುವಕ ಮರುಜೀವ ಪಡೆದ ರೀತಿಯೇ ರೋಚಕ..!

ರಸ್ತೆ ಅಪಘಾತದಲ್ಲಿ ಮೆದುಳು ಸ್ವಾಧೀನ ಕಳೆದುಕೊಂಡಿದ್ದ ಯುವಕನ ದೇಹದ ಅಂಗಾಂಗಗಳನ್ನ ದಾನ ಮಾಡುವ ಕೆಲವೇ ಕ್ಷಣಗಳ ಮುಂಚೆ ಆತ ಎಚ್ಚರಗೊಂಡ ವಿಚಿತ್ರ ಘಟನೆ ವರದಿಯಾಗಿದೆ.

18 ವರ್ಷದ ಲೇವಿಸ್​ ರಾಬರ್ಟ್ಸ್ ಎಂಬಾತ ವ್ಯಾನ್​ಗೆ ಡಿಕ್ಕಿ ಹೊಡೆದ ಪರಿಣಾಮ ಆತನನ್ನ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು ಆದರೆ ಈ ಘಟನೆ ನಡೆದ ನಾಲ್ಕು ದಿನಗಳ ಬಳಿಕ ಲೇವಿಸ್​ ಮೆದುಳು ಸಂಪೂರ್ಣ ನಿಷ್ಕ್ರಿಯವಾಗಿತ್ತು.

ಹೀಗಾಗಿ ಆತನ ದೇಹದ ಅಂಗಾಂಗಗಳನ್ನ ದಾನ ಮಾಡಲು ನಿರ್ಧಾರ ಕೈಗೊಳ್ಳಲಾಗಿತ್ತು. ಆದರೆ ಆಶ್ಚರ್ಯ ಎಂಬಂತೆ ಲೇವಿಸ್​ ಸಡನ್​ ಆಗಿ ಉಸಿರಾಡಲು ಆರಂಭಿಸಿದ್ದಾನೆ.

ಮಾರ್ಚ್ 13ರಂದು ಬ್ರಿಟನ್​ನ ಲೀಕ್​ನಲ್ಲಿ ವ್ಯಾನ್​ಗೆ ಡಿಕ್ಕಿ ಹೊಡೆದ ಪರಿಣಾಮ ಲೇವಿಸ್​​ ತಲೆಗೆ ಭಾರೀ ಪ್ರಮಾಣದಲ್ಲಿ ಹೊಡೆತ ಬಿದ್ದಿತ್ತು. ಕೂಡಲೇ ಲೇವಿಸ್​ಗೆ ಶಸ್ತ್ರಚಿಕಿತ್ಸೆಯನ್ನ ಮಾಡಲಾಯ್ತು. ಆದರೆ ಮಾರ್ಚ್​ 17ರಂದು ಆತನ ಮೆದುಳು ನಿಷ್ಕ್ರಿಯಗೊಳ್ತು. ಅಲ್ಲದೇ ಆದ ಸತ್ತು ಹೋಗಿದ್ದಾನೆ ಎಂದೂ ಘೋಷಣೆ ಮಾಡಲಾಗಿತ್ತು ಎಂದು ಲೇವಿಸ್​ ಕುಟುಂಬಸ್ಥರು ಹೇಳಿದ್ರು.

ಲೇವಿಸ್​​​ ನಿಧನದ ಬಳಿಕ ಆತನ ಅಂಗಾಂಗಗಳ ದಾನಕ್ಕೆ ಕುಟುಂಬಸ್ಥರು ಸಮ್ಮತಿ ನೀಡಿದ್ದಾರೆ. ಇನ್ನೇನು ಲೇವಿಸ್​ಗೆ ಸರ್ಜರಿ ನಡೆಸಬೇಕು ಅನ್ನೋವಷ್ಟರಲ್ಲಿ ಲೇವಿಸ್​ ಉಸಿರಾಡಿದ್ದಾನೆ. ಲೇವಿಸ್​ ಚಿಕಿತ್ಸೆಗಾಗಿ 3.25 ಲಕ್ಷ ರೂಪಾಯಿ ದೇಣಿಗೆ ಸಂಗ್ರಹವಾಗಿದೆ.