ಕರಾಟೆ ಅಭ್ಯಾಸ ಮಾಡುವಾಗ ಬೋರ್ಡ್ ಅನ್ನು ಮುರಿದು ಹಾಕಲು ಐದು ವರ್ಷದ ಬಾಲಕನೊಬ್ಬ ತನಗಾಗುತ್ತಿರುವ ಅಗಾಧ ನೋವಿನ ನಡುವೆಯೂ ಛಲ ಬಿಡದೇ ಗುರಿ ಸಾಧಿಸಿದ ವಿಡಿಯೋವೊಂದನ್ನು ಹಾಲಿವುಡ್ ನಟ ಡ್ವಾನ್ ಜಾನ್ಸನ್‌ ಶೇರ್‌ ಮಾಡಿಕೊಂಡಿದ್ದಾರೆ.
ಬಾಲಕ ಈ ಸಾಧನೆ ಮಾಡುವ ವೇಳೆ ಆತನಿಗೆ ತರಬೇತುದಾರ ಹಾಗೂ ಸುತ್ತಲಿದ್ದ ಮಂದಿ ಪ್ರೋತ್ಸಾಹ ಕೊಡುತ್ತಿರುವುದನ್ನು ನೋಡಬಹುದಾಗಿದೆ. ಫ್ಲಾರಿಡಾದ ಫೀನಿಕ್ಸ್ ಹೆಸರಿನ ಈ ಬಾಲಕ ಆರಂಭದಲ್ಲಿ ಕೆಲವೊಂದು ಯತ್ನಗಳು ವಿಫಲವಾದ ಬಳಿಕ ಕೊನೆಗೂ ಬೋರ್ಡ್ ಅನ್ನು ಎರಡು ಹೋಳು ಮಾಡಲು ಸಫಲನಾಗುತ್ತಾನೆ.
ಈ ವಿಡಿಯೋದ ಪ್ರತಿಯೊಂದು ಕ್ಷಣವೂ ತನಗೆ ಇಷ್ಟವಾಗಿದ್ದು, ಈ ಕ್ಷಣದಿಂದ ಬಾಲಕನ ಬದುಕು ಎಂದೆಂದಿಗೂ ಬದಲಾಗಲಿದೆ ಎಂದು ಡ್ವೇನ್ ಜಾನ್ಸನ್‌ ಪೋಸ್‌ನಲ್ಲಿ ಹೇಳಿದ್ದಾರೆ.
Loading ...