ನೋಡ ನೋಡ್ತಿದ್ದಂತೆ ಬಾಯ್ತೆರೆದ ಭೂಮಿ…! ಸಾಮಾಜಿಕ ಜಾಲತಾಣದಲ್ಲಿ ಭಯಾನಕ ವಿಡಿಯೋ ವೈರಲ್​

ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳಕ್ಕಾಗಮಿಸಿದ ಇಟಲಿಯ ಅಧಿಕಾರಿಯು ಪಾರ್ಕಿಂಗ್​​ ಸ್ಥಳದ ಸಮೀಪವೇ ಇದ್ದ ಕೋವಿಡ್ ವಾರ್ಡ್​ನ್ನು ಸ್ಥಳಾಂತರ ಮಾಡುವಂತೆ ಹೇಳಿದ್ದಾರೆ.

ಸುಮಾರು 22 ಸಾವಿರ ಚದರ ಅಡಿ ಅಗಲ ಹಾಗೂ 66 ಅಡಿ ಆಳದ ಸಿಂಕ್​ಹೋಲ್​ ವಿಡಿಯೋಗಳು ಶುಕ್ರವಾರದಿಂದ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗ್ತಿದೆ. ಸಿಂಕ್​ಹೋಲ್​ ಭಯಾನಕ ವಿಡಿಯೋ ನೋಡಿದ ನೆಟ್ಟಿಗರು ಶಾಕ್​ ಆಗಿದ್ದಾರೆ.

ಇನ್ನು ಈ ಸಂಬಂಧ ತನಿಖೆ ನಡೆಸಲು ಹಾಗೂ ಸಿಂಕ್​ ಹೋಲ್​ ಉಂಟಾಗಲು ಕಾರಣ ಕಂಡುಹಿಡಿಯಲು ತಾಂತ್ರಿಕ ತಜ್ಞರನ್ನ ನೇಮಿಸಲಾಗಿದೆ. ಕಳೆದ ವಾರ ಉಂಟಾದ ಭಾರೀ ಮಳೆಯೇ ಇದಕ್ಕೆ ಕಾರಣ ಎಂದು ಅಂದಾಜಿಸಲಾಗಿದೆ.

ಇನ್ನು ಈ ಘಟನೆಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಶೇರ್​ ಮಾಡಿದ ಇಟಲಿ ಅಗ್ನಿಶಾಮಕ ದಳ ಇಲಾಖೆ ಅವಶೇಷಗಳಡಿ ಯಾರೂ ಸಿಕ್ಕಿಬಿದ್ದಿಲ್ಲ ಎಂಬುದನ್ನ ಖಚಿತಪಡಿಸಿದೆ. ಕೋವಿಡ್​ ವಾರ್ಡ್​ನಿಂದ 6 ಮಂದಿ ಲಕ್ಷಣ ರಹಿತ ಸೋಂಕಿತರನ್ನ ಸುರಕ್ಷಿತವಾಗಿ ಸ್ಥಳಾಂತರಿಸಲಾಗಿದೆ.