ಹಿಮದಿಂದ ಆವೃತವಾದ ಪ್ರದೇಶದಲ್ಲಿ ಡೈರಿ ಟ್ರಕ್ ಒಂದನ್ನ ಮಹಿಳೆ ತಳ್ಳುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರಿಂದ ಸೂಪರ್ವುಮನ್ ಎಂಬ ಬಿರುದನ್ನ ಪಡೆಯುತ್ತಿದ್ದಾರೆ. ಅಂದಹಾಗೆ ಈ ಘಟನೆ ಬ್ರಿಟನ್ನಲ್ಲಿ ನಡೆದಿದೆ.
ಬೃಹತ್ ಟ್ರಕ್ವೊಂದನ್ನ 33 ವರ್ಷದ ಕ್ಯಾರ್ಲೆನ್ ಲೆಸ್ಲಿ ಎಂಬವರು ಹಿಂಬದಿಯಿಂದ ನೂಕುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಮೂರು ಮಕ್ಕಳ ತಾಯಿಯಾಗಿರುವ ಕ್ಯಾರ್ಲೆನ್ ವಿಡಿಯೋ ವೈರಲ್ ಆಗಿದ್ದರ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಆಕೆ ನೂಕಿದ ಟ್ರಕ್ ಮಾಲೀಕತ್ವದ ಡೈರಿಯು ಆಕೆಗೆ ಒಂದು ವರ್ಷಗಳವರೆಗೆ ತನ್ನ ಕಂಪನಿಯ ಎಲ್ಲಾ ಡೈರಿ ಪ್ರಾಡಕ್ಟ್ಗಳನ್ನ ಉಚಿತವಾಗಿ ನೀಡಲಿದೆ ಎಂದಿದೆ.
ಶರ್ಟ್ ಬಟನ್ ಒಟ್ಟುಗೂಡಿಸಿದವನಿಗೆ ವಿಶ್ವ ದಾಖಲೆಯ ಪಟ್ಟ
ಸೂಪರ್ ಮಾರ್ಕೆಟ್ನಲ್ಲಿ ಕೆಲಸ ಮಾಡುತ್ತಿರುವ ಕ್ಯಾರ್ಲೆನ್ ತನ್ನ ಮಕ್ಕಳ ಜೊತೆ ಅಂಗಡಿ ಕಡೆಗೆ ಹೋಗುತ್ತಿದ್ದ ವೇಳೆ ಟ್ರಕ್ವೊಂದು ಹಿಮಾವೃತ ರಸ್ತೆಯಲ್ಲಿ ಚಲಿಸಲು ಹೆಣಗಾಡುತ್ತಿರೋದನ್ನ ಕಂಡಿದ್ದಾರೆ. ಕೂಡಲೇ ಅಲ್ಲೇ ಇದ್ದ ನರೆ ಹೊರೆಯವರ ಬಳಿ ತನ್ನ ಮಕ್ಕಳನ್ನ ನೋಡಿಕೊಳ್ಳುವಂತೆ ಹೇಳಿ ಟ್ರಕ್ ಚಾಲಕನಿಗೆ ನೆರವಾಗಿದ್ದಾರೆ.
Loading ...