ಸೂಟ್ ಕೇಸ್ ಗಾತ್ರದ ಸಿಲ್ವರ್ ಬಣ್ಣದ ಅಪರಿಚಿತ ವಿಮಾನ ತನ್ನ ದೇಶದ ಪೂರ್ವ ಕರಾವಳಿ ಭಾಗದಲ್ಲಿ ಹಾರಾಟ ನಡೆಸಿರುವುದು ಅಮೆರಿಕ ಗಮನಕ್ಕೆ ಬಂದಿದೆ.
ಅಮೆರಿಕಾದ ನೇವಿ ಪೈಲೆಟ್ ಗಳು ಕಳೆದು ತಿಂಗಳು ನಡೆದ ಈ ಅಪರಿಚಿತ ವೈಮಾನಿಕ ವಿದ್ಯಮಾನಗಳನ್ನು ಬಹಿರಂಗಪಡಿಸಿದ್ದಾರೆ.
ವಾಯುಯಾನ ನಿಷೇಧಿತ ಪ್ರದೇಶವೆಂದು ಗುರುತಿಸಲಾದ ಕಡೆ ಇದು ಹಾರಾಟ ನಡೆಸಿದ್ದು, ಮಾನವರಹಿತ ವೈಮಾನಿಕ ಸಾಧನವಾಗಿದೆ. ಡ್ರೋಣ್ ಅಥವಾ ಮಿಸೈಲ್ ಗಾತ್ರ ಇರಬಹುದೆಂಬ ಅಭಿಪ್ರಾಯವೂ ಇದೆ.
ಈ ಬೆಳವಣಿಗೆಗಳ ಬಗ್ಗೆ ಒಂದಷ್ಟು ಚರ್ಚೆಗಳು ನಡೆದಿದ್ದರೂ ಅದರ ಬಗ್ಗೆ ಯಾವುದೇ ಸ್ಪಷ್ಟತೆ ಮೂಡಿಲ್ಲ.
ಪೆಂಟಗನ್ ಸಹ ಇತ್ತೀಚೆಗೆ ಮೂರು ವಿಡಿಯೋಗಳನ್ನು ಬಿಡುಗಡೆ ಮಾಡಿತ್ತು. ಇನ್ ಫ್ರಾ ರೆಡ್ ಕ್ಯಾಮರಾದಲ್ಲಿ ಗುರುತಿಸಲಾಗದ ಹಾರಾಟವನ್ನು ಗಮನಿಸಲಾಗಿತ್ತು.