ಥೈಲ್ಯಾಂಡ್ನ ಬಡ ಮಹಿಳೆಯೊಬ್ಬರು ಕೇಸರಿ ಬಣ್ಣದ ಬೆಲೆ ಬಾಳುವ ಮುತ್ತನ್ನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸ್ಥಳೀಯ ಮಾರುಕಟ್ಟೆಯೊಂದರಲ್ಲಿ ಕೇವಲ 163 ರೂಪಾಯಿ ವ್ಯಯಿಸಿ ಸಮುದ್ರ ಬಸವನಹುಳುವನ್ನ ಖರೀದಿ ಮಾಡಿದ್ರು. ಇದರಲ್ಲಿ ಖಾದ್ಯ ತಯಾರಿಸಿ ತಿನ್ನುತ್ತಿದ್ದ ವೇಳೆ ಈ ಮುತ್ತು ಲಭಿಸಿದೆ.
ಆ ಸಮುದ್ರ ಜೀವಿಯನ್ನ ಸಣ್ಣದಾಗಿ ಕತ್ತರಿಸುತ್ತಿದ್ದ ವೇಳೆ ಅದರಲ್ಲಿ ಕೇಸರಿ ಬಣ್ಣದ ಮುತ್ತನ್ನ ಕಂಡಿದ್ದಾರೆ. ಮೊದಲಿಗೆ ಮಹಿಳೆ ಅದು ಕಲ್ಲಿರಬಹುದೆಂದು ಭಾವಿಸಿದ್ದರು. ಆದರೆ ಪರಿಶೀಲನೆಯ ಬಳಿಕ ಇದು 6 ಗ್ರಾಂ ತೂಕದ ಮೆಲೋ ಮುತ್ತು ಎಂದು ತಿಳಿದಿದೆ.
ಈ ಮುತ್ತು 1.5 ಸೆಂಟಿಮೀಟರ್ ವ್ಯಾಸ ಹೊಂದಿದೆ. ತಾಯಿಯ ಚಿಕಿತ್ಸೆಯ ಖರ್ಚನ್ನ ಭರಿಸುವ ಸಲುವಾಗಿ ಕೊಡ್ಚಕೊರ್ನ್ ಈ ಮುತ್ತನ್ನ ಮಾರುವ ನಿರ್ಧಾರಕ್ಕೆ ಬಂದಿದ್ದಾರೆ.
ನಾನು ಈ ಮುತ್ತನ್ನ ನನ್ನ ತಾಯಿಗೆ ತೋರಿಸಿದೆ. ಆಕೆ ನನಗೆ ಇದು ಬೆಲೆ ಬಾಳುವ ಮುತ್ತು ಎಂದು ಹೇಳಿದ್ರು. ಅಲ್ಲದೇ ವಾರ್ತೆಗಳಲ್ಲಿ ಮೀನುಗಾರರಿಗೆ ಇಂತಹ ಮುತ್ತುಗಳು ಸಿಗುವ ವರದಿಯನ್ನ ನಾನು ನೋಡಿದ್ದೆ ಎಂದು ಮಹಿಳೆ ಕೊಡ್ಚಕೊರ್ನ್ ಹೇಳಿದ್ದಾರೆ.
ಕೊಡ್ಚಕೊರ್ನ್ ತಾಯಿ ಕ್ಯಾನ್ಸರ್ನಿಂದ ಬಳಲುತ್ತಿದ್ದು ಅಪಘಾತದಿಂದಲೂ ಪೆಟ್ಟು ಮಾಡಿಕೊಂಡಿದ್ದಾರೆ. ಹೀಗಾಗಿ ಈ ಕುಟುಂಬ ಚಿಕಿತ್ಸೆಗಾಗಿ ಮುತ್ತು ಮಾರಾಟದ ಹಣವನ್ನ ವ್ಯಯಿಸೋಕೆ ನಿರ್ಧರಿಸಿದೆ.
Loading ...