ಮಾಲೀಕನ ಸೇರಲು 100 ಕಿಮೀ​ ಏಕಾಂಗಿ ಸಂಚಾರ ಮಾಡಿದ ಶ್ವಾನ..!

ತನ್ನ ಮಾಲೀಕನನ್ನ ಹುಡುಕಿಕೊಂಡು ಹೊರಟ ನಾಯಿಯೊಂದು ಬರೋಬ್ಬರಿ 100 ಕಿಲೋಮೀಟರ್​ ದೂರ ಕ್ರಮಿಸಿದ ಘಟನೆ ಪೂರ್ವ ಚೀನಾದ ಕಿಡಾಂಗ್​​ ನಗರದಲ್ಲಿ ನಡೆದಿದೆ. ಗೋಲ್ಡನ್​ ರಿಟ್ರೈವರ್​ ಜಾತಿಯ ನಾಯಿ 14 ದಿನಗಳ ಕಾಲ ಏಕಾಂಗಿ ಸಂಚಾರ ಮಾಡಿ ತನ್ನ ಮಾಲೀಕನನ್ನ ಸೇರುವಲ್ಲಿ ಯಶಸ್ವಿಯಾಗಿದೆ.

ತಮ್ಮ ಮನೆಯಲ್ಲಿ ನವೀಕರಣ ಕಾರ್ಯ ನಡೆಯುತ್ತಾ ಇರೋದ್ರಿಂದ ಮಾಲೀಕ ನಾಯಿಯನ್ನ ತನ್ನ ಸ್ನೇಹಿತನ ಮನೆಯಲ್ಲಿ ತಾತ್ಕಾಲಿಕವಾಗಿ ಇರಿಸಿದ್ದರು ಎನ್ನಲಾಗಿದೆ.

ಜೂನ್​ ತಿಂಗಳಲ್ಲಿ ಈ ನಾಯಿಯನ್ನ ಮಾಲೀಕ ತನ್ನ ಸ್ನೇಹಿತನ ಮನೆಗೆ ಕಳುಹಿಸಿ ಕೊಟ್ಟಿದ್ದರು. ನಾಲ್ಕು ತಿಂಗಳು ಸ್ನೇಹಿತನ ಮನೆಯಲ್ಲಿದ್ದ ನಾಯಿ ಅಲ್ಲಿಂದ ಏಕಾಏಕಿ ನಾಪತ್ತೆಯಾಗಿತ್ತು. 100 ಕಿಲೋಮೀಟರ್​ಗಟ್ಟಲೇ ನಡೆದಿದ್ದರಿಂದ ಶ್ವಾನದ ಪಂಜುಗಳಲ್ಲಿ ರಕ್ತ ಬಂದಿದ್ದವು ಅಂತಾ ನಾಯಿ ಮಾಲೀಕ ಹೇಳಿದ್ದಾರೆ.