ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಮ್ಯಾನ್ಮಾರ್ ದೇಶವನ್ನ ಪ್ರತಿನಿಧಿಸುತ್ತಿರುವ ತುಜಾರ್ ವಿಂಟ್ ಲ್ವಿನ್ ಮಯನ್ಮಾರ್ನ ರಾಜಕೀಯ ಹಗ್ಗ ಜಗ್ಗಾಟದ ಕುರಿತಂತೆ ಪರಿಣಾಮಕಾರಿ ಹೇಳಿಕೆಯೊಂದನ್ನ ಪ್ರದರ್ಶಿಸುವ ಮೂಲಕ ರಾಷ್ಟ್ರೀಯ ವೇಷಭೂಷಣ ಸ್ಪರ್ಧೆಯಲ್ಲಿ ವಿಜೇತರಾಗಿದ್ದಾರೆ.
ʼಮ್ಯಾನ್ಮಾರ್ಗಾಗಿ ಪ್ರಾರ್ಥಿಸಿʼ ಎಂದು ಬರೆಯಲಾದ ಬೋರ್ಡ್ ಹಿಡಿದು ವೇದಿಕೆಯ ಮೇಲೆ ಹೆಜ್ಜೆ ಹಾಕುವ ಮೂಲಕ ದೇಶದಲ್ಲಿ ನಡೆಯುತ್ತಿರುವ ರಾಜಕೀಯ ಕಿತ್ತಾಟದ ಬಗ್ಗೆ ಬೇಸರ ಹೊರಹಾಕಿದ್ದಾರೆ.
ಮಿಸ್ ಮಯನ್ಮಾರ್ ಆಗಿರುವ ತುಜಾರ್ ಈ ಸಂಬಂಧ ಮಾತನಾಡಿದ್ದು, ಅವರೆಲ್ಲ ನಮ್ಮನ್ನ ಪ್ರಾಣಿಗಳಂತೆ ಸಾಯಿಸುತ್ತಿದ್ದಾರೆ. ಮಾನವೀಯತೆ ಎಲ್ಲಿ ಹೋಗಿದೆ..? ನಾವಿಲ್ಲಿ ಅಸಹಾಯಕರಾಗಿದ್ದೇವೆ ಎಂದು ಹೇಳಿದ್ದಾರೆ.
ಮ್ಯಾನ್ಮಾರ್ನಲ್ಲಿ ಫೆಬ್ರವರಿಯಲ್ಲಿ ಮಿಲಿಟರಿ ಆಡಳಿತ ಬಂದಾಗಿನಿಂದ ಜನಜೀವನ ಅಸ್ವಸ್ಥವಾಗಿದೆ. ದೇಶಾದ್ಯಂತ ನಡೆಸಲಾಗುತ್ತಿರುವ ಅಸಹಕಾರ ಚಳವಳಿಯಲ್ಲಿ ಇಲ್ಲಿಯವರೆಗೆ 780ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.
22 ವರ್ಷದ ಲ್ವಿನ್ ಸಹ ಈ ಪ್ರತಿಭಟನೆಗಳಲ್ಲಿ ಭಾಗಿಯಾಗಿದ್ದಾರೆ. ಹಾಗೂ ಈ ಪ್ರತಿಭಟನೆಯಲ್ಲಿ ಸಾವನ್ನಪ್ಪಿದವರ ಕುಟುಂಬಕ್ಕೆ ತಮ್ಮ ಕೈಲಾದ ಸಹಾಯ ಮಾಡ್ತಿದ್ದಾರೆ.
ಸೈನಿಕರು ಎಲ್ಲಾ ಕಡೆ ಗಸ್ತು ತಿರುಗುತ್ತಾ ಇರುತ್ತಾರೆ ಹಾಗೂ ಕೆಲವೊಮ್ಮೆ ನಮಗೆ ಕಿರುಕುಳ ನೀಡಬೇಕು ಅಂತಾನೇ ರಸ್ತೆಗಳನ್ನ ಬ್ಲಾಕ್ ಮಾಡುತ್ತಾರೆ. ಇನ್ನೂ ಕೆಲವು ಸಂದರ್ಭಗಳಲ್ಲಿ ಅವರು ಹಿಂದೆಮುಂದೆ ನೋಡದೇ ಗುಂಡು ಹಾರಿಸುತ್ತಾರೆ. ನಮಗೆ ನಮ್ಮ ಯೋಧರನ್ನ ನೋಡಿದ್ರೆ ಭಯವಾಗುತ್ತೆ. ಅವರನ್ನ ನೋಡಿದಾಗಲೆಲ್ಲಾ ಕೋಪ ಮತ್ತು ಭೀತಿ ಒಟ್ಟಿಗೆ ಉಕ್ಕಿ ಬರುತ್ತೆ ಎಂದು ಲ್ವಿನ್ ಹೇಳಿದ್ದಾರೆ.
Loading ...