ಕೋಕಾಕೋಲಾ ಬ್ರ್ಯಾಂಡ್ನ್ನು ಬಾಯ್ಕಾಟ್ ಮಾಡಬೇಕು ಅಂತಾ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿಕೆ ನೀಡಿದ ಕೇವಲ ನಾಲ್ಕು ದಿನಗಳಲ್ಲೇ ಸ್ವತಃ ಟ್ರಂಪ್ ಟೇಬಲ್ನಲ್ಲೇ ಕೋಕಾಕೋಲಾ ಬಾಟಲಿ ಇರೋದನ್ನ ನೆಟ್ಟಿಗರು ಕಂಡು ಹಿಡಿದಿದ್ದಾರೆ. ಈ ಮೂಲಕ ಡೊನಾಲ್ಡ್ ಟ್ರಂಪ್ ಹೊಸ ಮುಖಭಂಗವನ್ನ ಅನುಭವಿಸುವಂತಾಗಿದೆ. ಜಾರ್ಜಿಯಾ ವೋಟಿಂಗ್ ರೈಟ್ಸ್ ವೇಳೆ ಟ್ರಂಪ್ ಇಂತಹದ್ದೊಂದು ಹೇಳಿಕೆ ನೀಡಿದ್ದರು.
ಶ್ವೇತ ಭವನದಲ್ಲಿ ಟ್ರಂಪ್ಗೆ ಮಾಜಿ ಸಲಹೆಗಾರರಾಗಿದ್ದ ಸ್ಟೀಫನ್ ಮಿಲ್ಲರ್ ಫೋಟೋವೊಂದನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದು ಇದರಲ್ಲಿ ಟ್ರಂಪ್ ಕುಳಿತಿರುವ ಟೇಬಲ್ನಲ್ಲಿ ಕೋಲಾ ಬಾಟಲಿ ಇರೋದನ್ನ ನೀವು ಕಾಣಬಹುದಾಗಿದೆ. ಟ್ರಂಪ್ ಜೊತೆ ಈಗಷ್ಟೇ ಒಂದು ಭಯಾನಕ ಸಭೆ ನಡೀತು ಅಂತಾ ಮಿಲ್ಲರ್ ಈ ಫೋಟೋಗೆ ಶೀರ್ಷಿಕೆ ನೀಡಿದ್ದಾರೆ.
ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿಬಿಟ್ಟಿದೆ. ಮಿಲ್ಲರ್ ಶೇರ್ ಮಾಡಿರುವ ಫೋಟೋದಲ್ಲಿ ಟ್ರಂಪ್ ಟೇಬಲ್ನಲ್ಲಿ ಕೋಲಾ ಬಾಟಲಿ ಇರೋದನ್ನ ನೆಟ್ಟಿಗರು ಕಂಡುಹಿಡಿದಿದ್ದಾರೆ. ಈ ಟ್ವೀಟ್ ಸಾಕಷ್ಟು ಲೈಕ್ಸ್, ಕಮೆಂಟ್ ಹಾಗೂ ರಿಟ್ವೀಟ್ ಸಂಪಾದಿಸಿದೆ. ಬಹುಶಃ ಕೋಕಾಕೋಲಾ ಇನ್ನೂ ಸಂಪೂರ್ಣವಾಗಿ ಬಾಯ್ಕಾಟ್ ಆಗಿಲ್ಲ ಎನಿಸುತ್ತೆ ಅಂತಾ ನೆಟ್ಟಿಗರು ಟ್ರಂಪ್ರನ್ನ ಅಪಹಾಸ್ಯ ಮಾಡಿಕೊಳ್ತಿದ್ದಾರೆ.
Loading ...