ಕೊರೊನಾ ಸಂಕಷ್ಟದಿಂದಾಗಿ ಮದುವೆಯಾಗೋದೇ ಕಷ್ಟ ಎಂಬಂತಾಗಿದೆ. ಆದ್ರೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಈ ಫೋಟೋದಲ್ಲಿ ಕೋವಿಡ್ ಸೋಂಕಿಗೆ ಒಳಗಾಗಿದ್ದ ವಧುವಿನ ಮದುವೆ ಫೋಟೊ ಕಂಡು ನೆಟ್ಟಿಗರು ಹುಬ್ಬೇರಿಸಿದ್ದಾರೆ.
ಸಾಮಾಜಿಕ ಅಂತರ ಕಾಪಾಡಿಕೊಂಡು ವಧು – ವರರಿಬ್ಬರು ಉಂಗುರ ಬದಲಾವಣೆ ಮಾಡಿಕೊಂಡ ಈ ವಿವಾಹದ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಕೊರೊನಾ ನಡುವೆಯೂ ದಂಪತಿಯ ಉತ್ಸಾಹ ಹಾಗೂ ಸೃಜನಶೀಲತೆಗೆ ನೆಟ್ಟಿಗರು ಶಹಬ್ಬಾಸ್ ಎಂದಿದ್ದಾರೆ.
ಅಮೆರಿಕದ ಕ್ಯಾಲಿಫೋರ್ನಿಯಾ ನಿವಾಸಿ ಪ್ಯಾಟ್ರಿಕ್ ಡೆಲ್ಗಾಡೋ ಹಾಗೂ ಲಾರೆನ್ ಜಿಮೆನೆಜ್ ನವೆಂಬರ್ ತಿಂಗಳ ಅಂತ್ಯದಲ್ಲಿ ವಿವಾಹವಾಗಬೇಕಿತ್ತು. ಆದರೆ ಮದುವೆಗೆ ಇನ್ನೇನು ಮೂರು ದಿನ ಬಾಕಿ ಇರೋವಾಗ ವಧು ಲಾರೆನ್ ಕೊರೊನಾ ಸೋಂಕಿಗೆ ಒಳಗಾದ್ರು. ಹೇಗಾದ್ರೂ ಮಾಡಿ ನಿಗದಿಯಾದ ದಿನಾಂಕದಂತೆ ಮದುವೆಯಾಗಲು ನಿರ್ಧರಿಸಿದ ಈ ಜೋಡಿ ವಧು ಮಹಡಿ ಮೇಲೆ ಹಾಗೂ ವರ ಕೆಳಗೆ ನಿಂತು ಹೊಸ ಜೀವನಕ್ಕೆ ಕಾಲಿಟ್ಟಿದ್ದಾರೆ.
Loading ...