ನಮಗೆ ಬೇಕಾಗಿದ್ದು ಸಿಗಲಿ ಅಂತಾ ದೇವರ ಮೊರೆ ಹೋಗೋದು ಕಾಮನ್. ಕೆಲವೊಮ್ಮೆ ದೇವರಿಗೆ ಹರಕೆಯನ್ನೂ ಕಟ್ಟಿಕೊಳ್ತೇವೆ. ಅದೇ ರೀತಿ ಇಲ್ಲೊಬ್ಬ ಯುವಕ ಲ್ಯಾಂಬರ್ಗಿನಿ ಕಾರಿಗಾಗಿ ಹರಕೆ ಹೊರಲು ಹೋಗಿ ಸಾವು – ಬದುಕಿನ ನಡುವೆ ಹೋರಾಡುತ್ತಿದ್ದಾನೆ.
40 ದಿನಗಳ ಕಾಲ ಹಗಲುರಾತ್ರಿಯೆನ್ನದೇ ಉಪವಾಸ ಮಾಡಿದ್ರೆ ದೇವರಿಂದ ಲ್ಯಾಂಬರ್ಗಿನಿ ಸಿಗುತ್ತೆಂದು ನಂಬಿ ಈ ಹರಕೆಯನ್ನ ಹೊತ್ತಿದ್ದಾನೆ. ಅಂದಹಾಗೆ ಈತ ಈ ಕಾರನ್ನ ತನ್ನ ಗರ್ಲ್ಫ್ರೆಂಡ್ಗೆ ಗಿಫ್ಟ್ ಮಾಡಬೇಕು ಎಂದುಕೊಂಡಿದ್ದನಂತೆ.
ಜಿಂಬಾಬ್ವೆಯ ಬಿಂದುರಾದ ರೈಸನ್ಸ್ ಸೇಂಟ್ಸ್ ಚರ್ಚ್ನ ಯುವ ಮುಖಂಡನಾದ ಮಾರ್ಕ್ ಮುರಾಡಿರಾ, ಪರ್ವತವೊಂದರಲ್ಲಿ ಊಟ ತಿಂಡಿಯಿಲ್ಲದೇ ಕಾಲ ಕಳೆದಿದ್ದಾನೆ.
ನಿರುದ್ಯೋಗಿಯಾಗಿದ್ದ ಮಾರ್ಕ್, ತನ್ನ ಗರ್ಲ್ಫ್ರೆಂಡ್ಗೆ ಆಕೆ ಕೇಳಿದ ಉಡುಗೊರೆಯನ್ನ ನೀಡಬೇಕು ಎಂಬ ಆಸೆಯನ್ನ ಹೊಂದಿದ್ದ ಎನ್ನಲಾಗಿದೆ. ಗರ್ಲ್ಫ್ರೆಂಡ್ ಬಯಸಿದ್ದ ಲ್ಯಾಂಬರ್ಗಿನಿ ಕಾರು ಕೊಡಿಸಲು 1.54 ಕೋಟಿ ರೂಪಾಯಿ ಬೇಕು. ಇಷ್ಟೊಂದು ಹಣ ಹೊಂದಿಸೋದು ಅಸಾಧ್ಯ ಎಂದು ತಿಳಿದ ಮಾರ್ಕ್ ದೇವರ ಮೊರೆ ಹೋಗಿದ್ದನಂತೆ.
ಆದರೆ ಈತನ ಪ್ಲಾನ್ ವರ್ಕೌಟ್ ಆಗಿಲ್ಲ. 33 ದಿನಗಳ ಬಳಿಕ ಈತನನ್ನ ಪತ್ತೆ ಮಾಡುವಲ್ಲಿ ಸ್ನೇಹಿತರು ಯಶಸ್ವಿಯಾಗಿದ್ದು ಬಿಂದುರಾದ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ಚರ್ಚ್ನ ವತಿಯಿಂದ ದೇಣಿಗೆ ಸಂಗ್ರಹಿಸಿ ಆ ಹಣದಿಂದ ಆಸ್ಪತ್ರೆ ಬಿಲ್ ಭರಿಸಲಾಗಿದೆ. ಮಾರ್ಕ್ ಆರೋಗ್ಯ ನಿಧಾನವಾಗಿ ಚೇತರಿಕೆ ಕಾಣ್ತಿದೆ ಎಂದು ವೈದ್ಯರು ಹೇಳಿದ್ದಾರೆ.
Loading ...