ಯಾರಾದರೂ ನಿಮ್ಮ ಕೈಯಲ್ಲಿರುವ ಆಹಾರವನ್ನ ಕಸಿದುಕೊಳ್ಳಲು ಬಂದರೆ ಏನು ಮಾಡುತ್ತೀರಾ..? ಒಂದೋ ನಮ್ಮ ಆಹಾರವನ್ನ ಹಿಂದಕ್ಕೆ ಎಳೆದುಕೊಳ್ತೇವೆ. ನಮಗಿಂತ ಆಹಾರದ ಅವಶ್ಯಕತೆ ಅವರಿಗೆ ಇದೆ ಎಂದೆನಿಸಿದ್ರೆ ಅವರಿಗೆ ಕೊಟ್ಟುಬಿಡ್ತೇವೆ. ಪ್ರಾಣಿ – ಪಕ್ಷಿಗಳು ಕೇಳಿದ್ರಂತೂ ಇಲ್ಲ ಅನ್ನೋರ ಸಂಖ್ಯೆ ತುಂಬಾನೇ ಕಡಿಮೆ. ಆದರೆ ಈ ಎಲ್ಲಾ ಮಾತಿಗೆ ವಿರುದ್ಧ ಎಂಬಂತೆ ವ್ಯಕ್ತಿಯೊಬ್ಬ ಪಕ್ಷಿ ಹೊಟ್ಟೆಗೆ ಪಂಚ್ ಮಾಡಿದ ವಿಡಿಯೋ ವೈರಲ್ ಆಗಿದೆ.
ಕೈಯಲ್ಲಿ ಸೀಗಡಿಯಿಂದ ಮಾಡಿದ ಆಹಾರವನ್ನ ಹಿಡಿದುಕೊಂಡು ವ್ಯಕ್ತಿ ನಡೆದುಕೊಂಡು ಬರ್ತಿದ್ದ. ಇದೇ ವೇಳೆ ಅಲ್ಲೇ ಇದ್ದ ಬೆಳ್ಳಕ್ಕಿ ಆತನ ಬಳಿಗೆ ಬಂದಿದೆ.
ಇನ್ನೇನು ಆತನ ಕೈನಿಂದ ಆಹಾರವನ್ನ ಕಸಿದುಕೊಳ್ತು ಅನ್ನೋವಷ್ಟರಲ್ಲಿ ಅದರ ಹೊಟ್ಟೆಗೆ ಪಂಚ್ ನೀಡಿದ್ದಾನೆ. ಹಕ್ಕಿ ಅಲ್ಲಿಂದ ಹಾರಿ ಹೋಗುತ್ತಿದ್ದಂತೆಯೇ ಏನೂ ಆಗೇ ಇಲ್ಲ ಎಂಬಂತೆ ಅಲ್ಲಿಂದ ನಡೆದುಕೊಂಡು ಬಂದಿದ್ದಾನೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಮಿಶ್ರ ಪ್ರತಿಕ್ರಿಯೆ ಸಂಪಾದಿಸಿದೆ.
Loading ...