ಕ್ಷೀರಪಥವೊಂದರ (ಮಿಲ್ಕೀವೇ) ಪನೋರಮಾ ಚಿತ್ರ ರಚಿಸಲು ಫಿನ್ಲೆಂಡ್‌ನ ಛಾಯಾಗ್ರಾಹಕ ಜೆಪಿ ಮೆಟ್ಸಾವಾಯ್ನೋ 12 ವರ್ಷಗಳ ಅವಧಿಯಲ್ಲಿ 1250 ಗಂಟೆಗಳನ್ನು ವ್ಯಯಿಸಿದ್ದಾರೆ. ಇಷ್ಟೆಲ್ಲಾ ಶ್ರಮಕ್ಕೆ ಪ್ರತಿಫಲವಾಗಿ ಅತ್ಯದ್ಭುತ ಚಿತ್ರವೊಂದು ಮೂಡಿ ಬಂದಿದೆ.
ಈ ಪ್ರಾಜೆಕ್ಟ್‌ಗೆ ಶೂಟಿಂಗ್ ಅನ್ನು 2009ರಲ್ಲೇ ಮೆಟ್ಸಾವಾಯ್ನಿಯೋ ಆರಂಭಿಸಿದ್ದು, ಇದಕ್ಕೆಂದು ಹೈ-ಎಂಡ್ ಕ್ಯಾಮೆರಾ ಉಪಕರಣಗಳನ್ನು ಬಳಸಿದ್ದಾರೆ. 12 ವರ್ಷಗಳ ಈ ಅವಧಿಯಲ್ಲಿ ಈ ಛಾಯಾಗ್ರಾಹಕ ಒಂದು ಲಕ್ಷದಷ್ಟು ಮೆಗಾಪಿಕ್ಸೆಲ್‌ಗಳಷ್ಟು ಸ್ಪಷ್ಟತೆ ಇರುವ ಪನೋರಮಾ ಸೆರೆಹಿಡಿದಿದ್ದು, 234 ಮೊಸಾಯಿಕ್ ಪ್ಯಾನೆಲ್‌ಗಳನ್ನು ಒಟ್ಟುಗೂಡಿಸಿದ್ದಾರೆ.
ತನ್ನ ಈ ಅದ್ಭುತ ಕೆಲಸದಿಂದ ಈ ಛಾಯಾಗ್ರಾಹಕ ಇಡೀ ಕ್ಷೀರಪಥವನ್ನಷ್ಟೇ ಅಲ್ಲದೇ, ಅಲ್ಲಿರುವ 20 ದಶಲಕ್ಷ ನಕ್ಷತ್ರಗಳನ್ನೂ ಸಹ ಸೆರೆ ಹಿಡಿದಿದ್ದಾರೆ.
ಪೂರ್ಣ ಸ್ಪಷ್ಟತೆಯ ಚಿತ್ರವು ಮೆಟ್ಸಾವಾಯ್ನಿಯೋ ಬ್ಲಾಗ್‌ನಲ್ಲಿ ಲಭ್ಯವಿದ್ದು, ಎಲ್ಲಾ ಮೊಸಾಯಿಕ್‌ಗಳನ್ನೂ ಸೆರೆಹಿಡಿಯಲು ತಮಗೆ ಏಕೆ ಇಷ್ಟು ಅವಧಿ ಬೇಕಾಯಿತು ಎಂದು ಅದರಲ್ಲಿ ಅವರು ವಿವರಿಸಿದ್ದಾರೆ.
Loading ...