ಸಮುದ್ರದಾಳದಲ್ಲಿ ಸೆರೆಯಾಯ್ತು ಬೆಚ್ಚಿಬೀಳಿಸುವ ದೃಶ್ಯ…!

ಕಡಲಿನ ಒಡಲಲ್ಲಿ ಹೊಸದೊಂದು ಜಗತ್ತೇ ಇದೆ ಎಂದು ಹೇಳಿದರೆ ತಪ್ಪಾಗಲಿಕ್ಕಿಲ್ಲ. ಕಡಲಿನಲ್ಲಿ ಈಜುವವರಿಗೆ ಮಾತ್ರ ಇದರ ಮಜಾ ತಿಳಿದಿರುತ್ತೆ. ಇದೇ ರೀತಿ ಸಮುದ್ರದಲ್ಲಿ ಈಜಲು ತೆರಳಿದ್ದ ಸ್ಟೀವ್​ ಮಾರಿಸ್​​​ ಅತ್ಯದ್ಭುತ ಜಲಚರವನ್ನ ಕಣ್ತುಂಬಿಕೊಂಡಿದ್ದಾರೆ.

ಏಪ್ರಿಲ್​ 18ರಂದು ನ್ಯೂಜಿಲೆಂಡ್​​ನ ಬೇ ಆಫ್​ ಪ್ಲೆಂಟಿಯಲ್ಲಿ ಕಡಲಾಳದಲ್ಲಿ ಈಜುತ್ತಿದ್ದ ವೇಳೆ ಸ್ಟೀವ್​​​ ದೈತ್ಯ ತಿಮಿಂಗಲಕ್ಕೆ ಮುಖಾಮುಖಿಯಾಗಿದ್ದಾರೆ. ಇದರ ಫೂಟೇಜ್​ ಕೂಡ ಸ್ಮಿತ್​ ಬಳಿ ಇದ್ದ ಕ್ಯಾಮರಾದಲ್ಲಿ ರೆಕಾರ್ಡ್ ಆಗಿದೆ. ಇದನ್ನ ಸ್ಟೀವ್​​ ತಮ್ಮ ಜೀವನದ ಅತ್ಯಂತ ಅಮೂಲ್ಯ ದಿನ ಎಂದು ಬಣ್ಣಿಸಿದ್ದಾರೆ.

ಮಾರಿಸ್​​ 8 ತಿಮಿಂಗಲಗಳನ್ನ ನೋಡಿದ್ದಾರೆ. ಈ ತಿಮಿಂಗಲಗಳನ್ನ ದೃಶ್ಯವನ್ನ ರೆಕಾರ್ಡ್ ಮಾಡಲು ಸ್ಟೀವ್​ ಮುಂದಾದ ವೇಳೆ ಒಂದು ತಿಮಿಂಗಲ ಸ್ಟೀವ್​ ಹತ್ತಿರಕ್ಕೇ ಬಂದಿದೆ. ಇದಾದ ಬಳಿಕ ಇನ್ನೆರಡು ತಿಮಿಂಗಲಗಳು ಸಹ ಸ್ಟೀವ್​ ಹತ್ತಿರದಲ್ಲಿ ಹಾದು ಹೋಗಿದೆ.

ದೈತ್ಯ ತಿಮಿಂಗಲಗಳು ನನ್ನಿಂದ ಒಂದೆರಡು ಮೀಟರ್ ದೂರದಲ್ಲಿದ್ದವು. ನಾನೆಂದಿಗೂ ನನ್ನ ಜೀವನದಲ್ಲಿ ಕಿಲ್ಲರ್​ ತಿಮಿಂಗಲಗಳನ್ನ ಇಷ್ಟು ಸಮೀಪದಿಂದ ನೋಡಿಯೇ ಇರಲಿಲ್ಲ. ಮೊದಲು ನನಗೆ ಭಯವಾಯಿತು. ಬಳಿಕ ಅವು ನನಗೆ ಹೆಲ್ಲೋ ಎಂದು ಹೇಳಲು ಬಂದಿವೆ ಎಂದು ತಿಳಿಯಿತು ಸ್ಟೀವ್​ ಹೇಳಿದ್ದಾರೆ.