ತನ್ನ ಮನೆಯ ದಾರಿ ಕಾಣದೇ ಹೋದ ಬಳಿಕ ತನ್ನನ್ನು ಶುಶ್ರುಷೆ ಮಾಡುತ್ತಿದ್ದ ಪಶುವೈದ್ಯರ ಕ್ಲಿನಿಕ್ ಬಾಗಿಲನ್ನು ತಟ್ಟುತ್ತಿರುವ ಶ್ವಾನವೊಂದರ ವಿಡಿಯೋ ವೈರಲ್ ಆಗಿದ್ದು, ನಾಯಿಯ ಬುದ್ಧಿವಂತಿಕೆಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.
ಥಾಯ್ಲೆಂಡ್‌ನ ಸಮುತ್‌ ಪ್ರಕಾನ್‌ನ ಮುವಾಂಗ್‌ ಎಂಬಲ್ಲಿರುವಪಶು ಕ್ಲಿನಿಕ್ ನಲ್ಲಿ ಈ ಘಟನೆ ನಡೆದಿದೆ. ಕ್ಲಿನಿಕ್‌ನ ಸಹಾಯಕಿ ಏನಾಗುತ್ತಿದೆ ಎಂದು ಬಾಗಿಲ ಬಳಿ ಬಂದಾಗ, ಆ ಶ್ವಾನವು ಬಾಗಿಲನ್ನು ಮುಂಗಾಲುಗಳಿಂದ ತಟ್ಟುತ್ತಾ, ತನ್ನ ಸಮಸ್ಯೆಯನ್ನು ತನ್ನದೇ ಭಾಷೆಯಲ್ಲಿ ಹೇಳಿಕೊಂಡಿದೆ.
ಕ್ಲಿನಿಕ್ ಒಳಗೆ ಬರಲು ಬಿಟ್ಟ ಕೂಡಲೇ ಪಶುವೈದ್ಯ ಸೆಂಗ್‌ಡುಯೆನ್ ಚೊಟೆಪಾನಸ್‌ರನ್ನು ನೋಡಿದ ಶ್ವಾನ ಬಹಳ ಖುಷಿಯಾಗಿದೆ. ಫೈಲ್ ತೆರೆದು ನೋಡಿದ ಬಳಿಕ, ಆ ನಾಯಿಯು ಖುದ್ದು ತಾನೇ ಚಿಕಿತ್ಸೆ ನೀಡಿದ್ದ ನಾಯಿಯಾಗಿದೆ ಎಂದು ವೈದ್ಯರಿಗೆ ತಿಳಿದುಬಂದಿದೆ. ಕೂಡಲೇ ಶ್ವಾನದ ಕುಟುಂಬದವರಿಗೆ ಕರೆ ಮಾಡಿದ ವೈದ್ಯೆ, ತಮ್ಮಲ್ಲಿಗೆ ಬಂದು ನಾಯಿಯನ್ನು ಕರೆದುಕೊಂಡು ಹೋಗಲು ತಿಳಿಸಿದ್ದಾರೆ.
Loading ...