ಪ್ರಕೃತಿ ತನ್ನ ಸೊಬಗಿನಿಂದ ನಮ್ಮನ್ನು ಯಾವಾಗಲೂ ಆಶ್ಚರ್ಯಗೊಳಿಸುತ್ತದೆ. ಹಾಗೆಯೇ ಪ್ರಾಣಿಗಳು ಸಹ ಅವುಗಳ ಸಹಜ ನಡೆಯಿಂದ ನಮ್ಮನ್ನು ಸೆಳೆಯುತ್ತವೆ. ಲಾಕ್ ಡೌನ್ ನಿಂದಾಗಿ ಇಂತಹ ಹಲವು ಕಾಡು ಪ್ರಾಣಿಗಳ ವಿಡಿಯೋದಿಂದ ನೋಡುಗರು ಖುಷಿ ಪಟ್ಟಿದ್ದಾರೆ.
ಅದೇ ಸಾಲಿಗೆ ಚಿರತೆಯ ವಿಡಿಯೋ ಸೇರಿದೆ. ಒಂದು ಮರದಿಂದ ದೂರದಲ್ಲಿರುವ ಮತ್ತೊಂದು ಮರಕ್ಕೆ ಆರಾಮಾಗಿ ಜಿಗಿಯುವ ಚಿರತೆಯ ವಿಡಿಯೋ ಇದಾಗಿದೆ. ಮರ್ಮೆಡ್ ಎನ್ನುವ ಟ್ವೀಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಒಂದು ಮರದಿಂದ ಇನ್ನೊಂದು ಮರಕ್ಕೆ ಜಿಗಿಯುವ ಚಿರತೆ ಎಂದು ಬರೆದುಕೊಂಡಿದ್ದಾರೆ.
ನೋಡುಗರು ವಿಡಿಯೋ ನೋಡಿ ಖುಷಿಪಟ್ಟು ಕಮೆಂಟ್ ಗಳನ್ನು ಮಾಡಿದ್ದಾರೆ. ಮುಂದೆಯೂ ನಮಗೆ ಇದೇ ರೀತಿಯ ವಿಡಿಯೋ ನೋಡಲು ಸಿಗಲಿ ಎಂದು ಬಯಸಿದ್ದಾರೆ.