ಪ್ರೇಕ್ಷಕರ ಬದಲು ಕ್ರೀಡಾಂಗಣದ ತುಂಬೆಲ್ಲಾ ಸೆಕ್ಸ್‌ ಡಾಲ್…!

ಕೊರೋನಾ‌ ಬಿಕ್ಕಟ್ಟಿನ ನಡುವೆ‌ ಜನಜೀವನ ನಿಧಾನವಾಗಿ ಸಾಮಾನ್ಯ ಸ್ಥಿತಿಗೆ ಬರುತ್ತಿದೆ. ಸ್ಥಬ್ಧಗೊಂಡಿದ್ದ ವಿವಿಧ ಕ್ಷೇತ್ರ ಮತ್ತೆ ಷರತ್ತು ಬದ್ಧವಾಗಿ ಪುನರಾರಂಭವಾಗುತ್ತಿದೆ.

ಕ್ರೀಡಾ ಚಟುವಟಿಕೆ, ತರಬೇತಿಗಳು ಆರಂಭವಾಗಿದೆ. ಪ್ರೇಕ್ಷಕರಿಲ್ಲದ ಕ್ರೀಡಾಂಗಣದಲ್ಲಿ ಕ್ರೀಡಾಪಟುಗಳು ಕಸರತ್ತು ಆರಂಭಿಸುತ್ತಿದ್ದಾರೆ.

ಈ ವೇಳೆ ಕೊರಿಯಾದ ಒಂದು ಫುಟ್‌ಬಾಲ್ ಕ್ಲಬ್ ಸ್ಟೇಡಿಯಂನಲ್ಲಿ ಮನುಷ್ಯಾಕೃತಿ ಗೊಂಬೆಗಳನ್ನು ಸ್ಟ್ಯಾಂಡ್‌ನಲ್ಲಿ ಇರಿಸುವ ಮೂಲಕ ಖಾಲಿತನ ತುಂಬುವ ಪ್ರಯತ್ನ ಮಾಡಲಾಗಿತ್ತು.

ಆಟಗಾರರು ರಂಜಿಸುವ ಈ ಆಲೋಚನೆಯು ಒಳ್ಳೆಯದಕ್ಕಿಂತ ಹೆಚ್ಚಿನ ನಷ್ಟ ಮಾಡಿದೆ. ‘ಸೆಕ್ಸ್ ಗೊಂಬೆಗಳೊಂದಿಗೆ ಸ್ಟ್ಯಾಂಡ್‌ಗಳನ್ನು ಭರ್ತಿ ಮಾಡಿದ್ದಕ್ಕಾಗಿ ಫುಟ್‌ಬಾಲ್ ತಂಡ ಕ್ಷಮೆ ಯಾಚಿಸುವಂತಾಯಿತು.

ಕೆ- ಲೀಗ್ ನಲ್ಲಿ ‘ಸೆಕ್ಸ್ ಡಾಲ್’ ಮನುಷ್ಯಾಕೃತಿಗಳನ್ನು ಕ್ರೀಡಾಂಗಣದಾದ್ಯಂತ ಆಸನಗಳಲ್ಲಿ ಇರಿಸಲಾಗಿತ್ತಲ್ಲದೇ ಕ್ಲಬ್ ಟೀ ಶರ್ಟ್‌ಗಳನ್ನು ಅವುಗಳಿಗೆ ತೊಡಿಸಲಾಗಿತ್ತು. ಅಲ್ಲಿನ ಫೋಟೊ ಜಾಲತಾಣದಲ್ಲಿ ವೈರಲ್ ಆದ ಬೆನ್ನಲ್ಲೇ ವಿವಾದ ಭುಗಿಲೆದ್ದಿತು. ಘಟನೆ ನಂತರ, ಕ್ಲಬ್ ಕ್ಷಮೆಯಾಚಿಸಿ ವಿಷಾದಿಸಿತು.