ಹೊಸದಾಗಿ ಲಾಂಚ್ ಆಗಿದ್ದ ಮೆಟ್ರೋ ಒಳಗೆ ಬಾಲಕನೊಬ್ಬ ಆಕ್ರೋಬ್ಯಾಟಿಕ್ ಪ್ರದರ್ಶನ ಮಾಡುವ ಮೂಲಕ ಸೋಶಿಯಲ್ ಮೀಡಿಯಾದ ಹಾಟ್ ಫೇವರಿಟ್ ಆಗಿದ್ದಾನೆ. ಪಾಕಿಸ್ತಾನದ ಲಾಹೋರ್ನಲ್ಲಿ ನಡೆದ ಘಟನೆ ಇದಾಗಿದೆ.
ಪಾಕಿಸ್ತಾನದ ದನ್ಯಾಲ್ ಗಿಲಾನಿ ಎಂಬವರು ಈ ವಿಡಿಯೋ ಶೇರ್ ಮಾಡಿದ್ದಾರೆ. ಪುಟಾಣಿ ಬಾಲಕ ಮೆಟ್ರೋದೊಳಗಿನ ಹ್ಯಾಂಡಲ್ಗಳನ್ನ ಹಿಡಿದು ಅಕ್ರೋಬ್ಯಾಟಿಕ್ ಪ್ರದರ್ಶಿಸಿದ್ದಾನೆ. ಈ ವೇಳೆ ಆತನ ಜೊತೆಗಿದ್ದ ವ್ಯಕ್ತಿಯೊಬ್ಬರು ಬಾಲಕನಿಗೆ ಮಾರ್ಗದರ್ಶನ ನೀಡ್ತಾ ಇರೋದು ಸಹ ಕಂಡುಬಂತು. ಇವರು ಬಾಲಕನ ತಂದೆ ಇರಬಹುದೆಂದು ಅಂದಾಜಿಸಲಾಗಿದೆ.
ಬಾಲಕನ ಟ್ಯಾಲೆಂಟ್ ಪ್ರದರ್ಶಿಸಿದ ಈ ವಿಡಿಯೋಗೆ ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಕೆಲವರು ಈತನ ಪ್ರತಿಭೆಯನ್ನ ಹಾಡಿ ಹೊಗಳಿದ್ರೆ ಇನ್ನು ಕೆಲವರು ಮೆಟ್ರೋ ಒಳಗೆ ಈ ರೀತಿ ಸಾಹಸ ಮಾಡಿದ್ದನ್ನ ಖಂಡಿಸಿದ್ದಾರೆ.
Loading ...