ಈ ಕಾರಣಕ್ಕೆ ಅಣಬೆ ಕುರಿತು ನಡೆಯುತ್ತಿದೆ ಚರ್ಚೆ

ಎಲ್ಲೆಡೆ ಕೊರೊನಾ ವೈರಸ್​​ಗೆ ಲಸಿಕೆ ಯಾವುದು ಅನ್ನೋದ್ರ ಬಗ್ಗೆ ಚರ್ಚೆ ನಡೆಯುತ್ತಿದ್ದರೆ ಕೆನಡಾದಲ್ಲಿ ಮಾತ್ರ ಸೈಕೆಡೆಲಿಕ್​ ಅಣಬೆಗಳು ದೊಡ್ಡ ಚರ್ಚಾ ವಿಷಯವಾಗಿ ಹೊರಹೊಮ್ಮಿದೆ.

ಖಿನ್ನತೆಯಿಂದ ಬಳಲುತ್ತಿರುವ ರೋಗಿಗಳಿಗೆ ಔಷಧಿಯ ರೂಪದಲ್ಲಿ ಸೈಕೆಡೆಲಿಕ್​ ಅಣಬೆಗಳನ್ನ ನೀಡುವಂತೆ ಕೆನಡಾ ಸರ್ಕಾರ ಅನುಮತಿ ನೀಡಿದೆ. ‌

ವಿಕ್ಟೋರಿಯಾ ಬಿಸಿಯಲ್ಲಿ ವಾಸಿಸುತ್ತಿರುವ 67 ವರ್ಷದ ಮಹಿಳೆಗೆ ಔಷಧಿ ರೂಪದಲ್ಲಿ ಸೈಕೆಡೆಲಿಕ್​ ಅಣಬೆಗಳನ್ನ ತೆಗೆದುಕೊಳ್ಳಲು ಅವಕಾಶ ನೀಡಲಾಗಿದೆ.

ಆಘಾತದಿಂದ ಖಿನ್ನತೆಗೆ ಒಳಗಾಗಿದ್ದ ಈ ವೃದ್ಧೆಗೆ ಈ ಅಣಬೆಯನ್ನ ಚಿಕಿತ್ಸೆ ರೂಪದಲ್ಲಿ ನೀಡಲಾಗುತ್ತಿದೆ. ಸೈಕೆಡಲಿಕ್​ ಅಣಬೆಗಳು ಸೈಲೋಸಿಬಿನ್​ನ್ನು ಒಳಗೊಂಡಿರೋದರಿಂದ ಕೆನಡಾದಲ್ಲಿ ಇದರ ಉತ್ಪಾದನೆ ಹಾಗೂ ಮಾರಾಟ ಕಾನೂನು ಬಾಹಿರ ಎಂದು ಪರಿಗಣಿಸಲಾಗುತ್ತಿತ್ತು. ಆದರೆ ಇದೀಗ ಕೆನಡಾ ಸರ್ಕಾರ ಸೈಕೆಡಲಿಕ್​ ಅಣಬೆಗೆ ಕೆಲ ವಿನಾಯಿತಿ ನೀಡಿದೆ.