ಕೊರೊನಾ ವೈರಸ್ ಜನರಲ್ಲಿ ಭಯ ಹಾಗೂ ಆತಂಕವನ್ನ ಹೆಚ್ಚು ಮಾಡುತ್ತಲೇ ಇದೆ. ಈಗಾಗಲೇ ಇದಕ್ಕೆ ಸಂಬಂಧಿಸಿದ ಹೃದಯ ವಿದ್ರಾವಕ ಘಟನೆಗಳ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.
ವ್ಹೀಲ್ ಚೇರ್ ಮೇಲೆ ಕೂತು ಸೂರ್ಯಾಸ್ತ ನೋಡುತ್ತಿರುವ ರೋಗಿಗಳು, ವಯಸ್ಸಾದ ದಂಪತಿ ಆಸ್ಪತ್ರೆ ಬೆಡ್ ಮೇಲೆ ಮಲಗಿದ್ದು ಈ ರೀತಿಯ ಸಾಕಷ್ಟು ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಸೌಂಡ್ ಮಾಡ್ತಿದೆ.
ಟೆಕ್ಸಾಸ್ನ ಹೂಸ್ಟನ್ನಲ್ಲಿ ಕೋವಿಡ್ ರೋಗಿಯ ದುಸ್ಥಿತಿಯನ್ನ ಸಾರುವ ಹೃದಯ ವಿದ್ರಾವಕ ಕ್ಷಣದ ಫೋಟೋ ಒಂದನ್ನ ಕ್ಲಿಕ್ಕಿಸಲಾಗಿದೆ.
ಕೊರೊನಾ ವೈರಸ್ ವಾರ್ಡ್ನಲ್ಲಿ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದ ವೈದ್ಯ ಜೋಸೆಫ್ ವರಣ್, ಒಂಟಿ ಎಂದು ಮರುಗುತ್ತಿದ್ದ ಸೋಂಕಿತನಿಗೆ ಸಾಂತ್ವನ ಹೇಳುತ್ತಿರುವ ದೃಶ್ಯ ಇದಾಗಿದೆ. ಆಸ್ಪತ್ರೆಯಲ್ಲಿದ್ದ ವೃದ್ಧ ತನ್ನ ಪತ್ನಿಯನ್ನ ನೆನೆಸಿಕೊಂಡು ದುಃಖಿತನಾಗಿದ್ದ ವೇಳೆ ವೈದ್ಯ ಆತನನ್ನ ತಬ್ಬಿಕೊಂಡು ಸಮಾಧಾನ ಮಾಡಿದ್ದಾರೆ.
Loading ...