ಕೊರೋನಾ ವೈರಸ್‌ ಸಾಂಕ್ರಮಿಕವು ಎಲ್ಲರಿಗೂ ಬಹಳ ಸಂಕಷ್ಟ ತಂದಿತ್ತಿದೆ. ಆರ್ಥಿಕ ಮುಗ್ಗಟ್ಟಿನಿಂದಾಗಿ ಕೆಲಸ ಕಳೆದುಕೊಂಡಿರುವ ಅನೇಕರಿಗೆ ಎರಡು ಹೊತ್ತಿನ ಊಟಕ್ಕೂ ತೀರಾ ಕಷ್ಟ ಪಡುವಂತಾಗಿಬಿಟ್ಟಿದೆ.
ದಕ್ಷಿಣ ಆಫ್ರಿಕಾದ ಕೇಪ್‌ಟೌನ್‌ನಲ್ಲಿ ರಿಟೇಲ್‌ ಸ್ಟೋರ್‌ ಒಂದರಲ್ಲಿ ಕೆಲಸ ಮಾಡುತ್ತಿದ್ದ ಲುಸಿನ್‌ಡಿಸೋ ಮಲ್ಗಾಸ್ ಹೆಸರಿನ ಈ ವ್ಯಕ್ತಿ ಕೋವಿಡ್-19 ಸಂಕಷ್ಟದಲ್ಲಿ ಕೆಲಸ ಕಳೆದುಕೊಂಡಿದ್ದಾರೆ. ಮೂರು ಮಕ್ಕಳಿರುವ ಮಲ್ಗಾಸ್ ಈ ಸಂದರ್ಭವನ್ನು ಕನಸಿನಲ್ಲೂ ಊಹಿಸಿರಲಿಲ್ಲ.
ಇಷ್ಟೆಲ್ಲಾ ಆದರೂ ಸಹ ತಮ್ಮ ಸಕಾರಾತ್ಮಕತೆಯನ್ನು ಬಿಟ್ಟುಕೊಡದ ಮಲ್ಗಾಸ್, ಮುಖದ ಮೇಲೊಂದು ಮಂದಹಾಸ ಬೀರುತ್ತಾ, ಬಹಳ ಆಕರ್ಷಕ ಕ್ಯಾಪ್ಷನ್‌ಗಳಿರುವ ಪ್ಲಕಾರ್ಡ್‌ಗಳನ್ನು ಹಿಡಿದುಕೊಂಡು ಬೀದಿ ಬೀದಿಗಳಲ್ಲಿ ಪಾದಚರಿಗಳ ಗಮನ ಸೆಳೆಯುತ್ತಿದ್ದಾರೆ. ‘sign_diso’ ಹೆಸರಿನಲ್ಲಿ ಇನ್‌ಸ್ಟಗ್ರಾಂನಲ್ಲಿ ಪೇಜ್‌ ನಡೆಸುತ್ತಿರುವ ಮಲ್ಗಾಸ್, ಬಹಳ ಫನ್ನಿ ಪ್ಲಕಾರ್ಡ್‌ಗಳನ್ನು ಹಿಡಿದುಕೊಂಡಿರುವ ತಮ್ಮ ಚಿತ್ರಗಳನ್ನು ಅಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.
Loading ...