ಜೀವದ ಹಂಗು ತೊರೆದು ನೀರಿಗೆ ಹಾರಿ ಕಂದಮ್ಮನನ್ನ ರಕ್ಷಿಸಿದ ಪರೋಪಕಾರಿ

ಸರೋವರದಲ್ಲಿ ಬಿದ್ದಿದ್ದ ಪುಟ್ಟ ಕಂದಮ್ಮನನ್ನ ರಕ್ಷಿಸಲು ಜೀವದ ಹಂಗನ್ನೂ ತೊರೆದ ವ್ಯಕ್ತಿ ನೀರಿಗೆ ಹಾರಿದ್ದು ಸಿನಿಮೀಯ ರೀತಿಯಲ್ಲಿ ಮಗುವನ್ನ ಪ್ರಾಣಾಪಾಯದಿಂದ ಕಾಪಾಡಿದ ಘಟನೆಯು ಮೇರಿಲ್ಯಾಂಡ್​ನಲ್ಲಿ ನಡೆದಿದೆ.

ಕಾರು ಅಪಘಾತಕ್ಕೀಡಾಗುತ್ತಿದ್ದಂತೆಯೇ 23 ತಿಂಗಳ ಹೆಣ್ಣು ಮಗು ಕಾರಿನಿಂದ ನೀರಿಗೆ ಬಿದ್ದಿದೆ. ಅಲ್ಲದೇ ಈ ಅಪಘಾತದಲ್ಲಿ ಇನ್ನು ಅನೇಕರು ಗಾಯಗೊಂಡಿದ್ದರು ಎಂದು ಪ್ರಕರಣ ಸಂಬಂಧ ಓಶಿಯನ್​​ ಸಿಟಿ ಅಗ್ನಿಶಾಮಕ ಸಿಬ್ಬಂದಿ ಸೋಶಿಯಲ್​ ಮೀಡಿಯಾದಲ್ಲಿ ಹೇಳಿಕೆ ಪ್ರಕಟಿಸಿದ್ದಾರೆ.

ಬ್ರಿಡ್ಜ್​​​ನ ಬಳಿಯಲ್ಲಿ ರಸ್ತೆ ಅಪಘಾತಕ್ಕೀಡಾಗುತ್ತಿದ್ದಂತೆಯೇ ಪೊಲೀಸರು ಹಾಗೂ ಅಗ್ನಿಶಾಮಕದಳ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದ್ದಾರೆ. ಗಾಯಗೊಂಡವರ ರಕ್ಷಣಾ ಕಾರ್ಯ ಮಾಡುತ್ತಿದ್ದ ವೇಳೆ ಮಗು ನೀರಿನಾಳಕ್ಕೆ ಬೀಳುತ್ತಿರೋದನ್ನ ಗಮನಿಸಿದ ವ್ಯಕ್ತಿಯೊಬ್ಬ ಹಿಂದೆ ಮುಂದೆ ಯೋಚಿಸದೇ ನೀರಿಗೆ ಹಾರಿದ್ದಾನೆ.

ಒಂದೇ ಬಾರಿಗೆ 9 ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ…!

ಅಂದಹಾಗೆ ಮಗುವನ್ನ ರಕ್ಷಿಸಿದ ಈ ಪರೋಪಕಾರಿ ತಮ್ಮ ಹೆಸರನ್ನ ಬಹಿರಂಗಪಡಿಸೋದನ್ನ ನಿರಾಕರಿಸಿದ್ದಾರೆ. ಆದರೆ ಬ್ರಿಡ್ಜ್​​ನಲ್ಲಿ ನಡೆದ ಅಪಘಾತದಲ್ಲಿ ಈ ವ್ಯಕ್ತಿಯ ಕಾರೂ ಸಹ ಇತ್ತು ಎಂದು ತಿಳಿದುಬಂದಿದೆ.

ರಕ್ಷಣೆ ಮಾಡಿದ ಮಗುವನ್ನ ಜೋನ್ಸ್​ ಹಾಪ್ಕಿನ್ಸ್​ ಮಕ್ಕಳ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಈ ಅಪಘಾತದಲ್ಲಿ ಭಾಗಿಯಾದ ಇತರೆ 7 ಮಂದಿಯನ್ನ ಇದೇ ಆಸ್ಪತ್ರೆಗೆ ದಾಖಲಿಸಲಾಗಿದೆ.