ಕಲ್ಲು ಇಲ್ಲವೇ ಚೆಂಡು ಅಥವಾ ಮರದ ಕೊಂಬೆಗಳು ಕಾರಿನ ವಿಂಡ್ಶೀಲ್ಡ್ ಮೇಲೆ ಬೀಳುವ ವಿಚಾರವನ್ನ ಕೇಳ್ತಾನೇ ಇರ್ತೇವೆ. ಆದರೆ ಎಂದಾದರೂ ಕಾರಿನ ವಿಂಡ್ಶೀಲ್ಡ್ ಮೇಲೆ ಆಮೆ ಬಿದ್ದಿದ್ದನ್ನ ಕೇಳಿದ್ದೀರಾ..?
ಪ್ಲೋರಿಡಾದ 71 ವರ್ಷದ ವೃದ್ಧೆ ತಮ್ಮ ಮಗಳೊಂದಿಗೆ ಕಾರಿನಲ್ಲಿ ತೆರಳುತ್ತಿದ್ದ ವೇಳೆ ಆಮೆಯೊಂದು ಆಕೆಯ ಕಾರಿನ ವಿಂಡ್ಶೀಲ್ಡ್ಗೆ ಬಂದು ಅಪ್ಪಳಿಸಿದ್ದು ಪರಿಣಾಮ ವೃದ್ಧೆಯ ಹಣೆಗೆ ಏಟಾಗಿದೆ ಎಂದು ವರದಿಯಾಗಿದೆ.
ಕೂಡಲೇ ತಾಯಿಯನ್ನ ಅಪಾಯದಿಂದ ಪಾರು ಮಾಡಿದ ಪುತ್ರಿ ಸಹಾಯಕ್ಕಾಗಿ ಇನ್ನೊಂದು ಕಾರು ಚಾಲಕನ ಬಳಿ ಮನವಿ ಮಾಡಿದ್ದಾರೆ. ಇಲ್ಲಿಯವರೆಗೆ ಕಾರಿಗೆ ಬಂದು ಬಡಿದ ವಸ್ತು ಯಾವುದು ಎಂಬ ಅರಿವು ತಾಯಿ – ಮಗಳಿಗೆ ಇರಲಿಲ್ಲ, ಆದರೆ ಬಳಿಕ ಇದು ಆಮೆ ಎಂದು ತಿಳಿದಿದ್ದು ಎಲ್ಲರೂ ಶಾಕ್ ಆಗಿದ್ದಾರೆ.
ವೃದ್ಧೆಗೆ ಮುಖದಲ್ಲಿ ಗಾಯಗಳಾಗಿದ್ದು ರಕ್ತ ಹರಿದಿದೆ. ಆದರೆ ಆಕೆಯ ಸ್ಥಿತಿ ಗಂಭೀರವಾಗಿಲ್ಲ. ಇತ್ತ ಆಮೆಯ ಚಿಪ್ಪಿಗೂ ಚಿಕ್ಕ ಪ್ರಮಾಣದಲ್ಲಿ ಹೊಡೆತ ಬಿದ್ದಿದೆ. ಆಮೆಯನ್ನೂ ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ.
Loading ...