ವಿಶ್ವದ ಅತಿ ಶ್ರೀಮಂತ ಪಟ್ಟ ಅಲಂಕರಿಸಿದ ಎಲಾನ್​ ಮಸ್ಕ್​ ರಿಯಾಕ್ಷನ್​ ನೋಡಿ ನೆಟ್ಟಿಗರು ಶಾಕ್​..!

ಅಮೆಜಾನ್​ ಮುಖ್ಯಸ್ಥ ಜೆಫ್​ ಬೆಜೋಸ್​ರನ್ನ ಹಿಂದಿಕ್ಕಿದ ಟೆಸ್ಲಾ ಹಾಗೂ ಸ್ಪೇಸ್​ ಎಕ್ಸ್​ ಕಂಪನಿ ಸಿಇಒ ಎಲೋನ್​ ಮಸ್ಕ್​ ವಿಶ್ವದ ಅತ್ಯಂತ ಶ್ರೀಮಂತ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ ಎಂದು ಅಮೆರಿಕ ಮಾಧ್ಯಮಗಳು ವರದಿ ಮಾಡಿವೆ.

ಕಳಪೆ ಪ್ರದರ್ಶನದಿಂದಾಗಿ ಒಮ್ಮೆ ಟೆಸ್ಲಾ ಕಂಪನಿಯನ್ನ ಮಾರಾಟ ಮಾಡೋಕೆ ನಿರ್ಧರಿಸಿದ್ದ ಮಸ್ಕ್​ ಇದೀಗ ಇದೇ ಕಂಪನಿಯ ನಾಗಾಲೋಟದಿಂದ ಈ ಸಾಧನೆ ಮಾಡಿದ್ದಾರೆ. ಗುರುವಾರ ಟೆಸ್ಲಾ ಷೇರು ಶೇಕಡಾ 4.8 ಮೇಲೆರಿದ್ದು ಈ ಮೂಲಕ ದಕ್ಷಿಣ ಆಫ್ರಿಕಾ ಮೂಲದ ಮಸ್ಕ್​ ಆಸ್ತಿ 188.5 ಬಿಲಿಯನ್​ ಡಾಲರ್​ ತಲುಪಿದೆ. ಈ ಆಸ್ತಿಯು ಅಮೆಜಾನ್​ ಮುಖ್ಯಸ್ಥ ಜೆಫ್​ ಬೆಜೋಸ್​ರ ಆಸ್ತಿಗಿಂತ 1.5 ಬಿಲಿಯನ್​ ಡಾಲರ್​ ಹೆಚ್ಚಿದೆ ಎಂದು ಹೇಳಲಾಗಿದೆ.

ಶ್ರೀಮಂತರ ಸಾಲಿನಲ್ಲಿ ಮೊದಲ ಸ್ಥಾನ ಪಡೆದಿರುವ ಮಸ್ಕ್​, ಎಷ್ಟು ವಿಚಿತ್ರ ಅಂತಾ ಆಶ್ಚರ್ಯಕರ ರೀತಿಯಲ್ಲಿ ಟ್ವೀಟ್​ ಮಾಡಿದ್ದಾರೆ. ಮತ್ತೊಂದು ಟ್ವೀಟ್​ನಲ್ಲಿ ‘ಸರಿ, ಕೆಲಸಕ್ಕೆ ಹಿಂತಿರುಗುವಾ….!’ ಎಂದು ಬರೆದುಕೊಂಡಿದ್ದಾರೆ. ಇಂತಹ ದೊಡ್ಡ ಪಟ್ಟ ಅಲಂಕರಿಸಿದರೂ ಸಾಮಾನ್ಯರಂತೆ ವರ್ತಿಸಿದ ಮಸ್ಕ್​ರ ಟ್ವೀಟ್​ಗೆ ಸಾಕಷ್ಟು ರಿಟ್ವೀಟ್​ಗಳು ಹರಿದು ಬರ್ತಿವೆ.