ʼಸ್ಟ್ಯಾಚ್ಯು ಆಫ್ ಲಿಬರ್ಟಿʼ ಸಮೀಪ ಮಿಂಚು

ಅಮೆರಿಕಾದ ಪ್ರಸಿದ್ಧ ಸ್ಟ್ಯಾಚ್ಯು ಆಫ್ ಲಿಬರ್ಟಿ ಸಮೀಪ ಮಿಂಚು ಹರಿಯುವ ಅದ್ಭುತ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದೆ.‌

21 ಸೆಕೆಂಡ್ ನ ಈ ವಿಡಿಯೋದಲ್ಲಿ ಲಿಬರ್ಟಿ ಪ್ರತಿಮೆಯ ಹಿಂದೆ ಸಾಕಷ್ಟು ಮೋಡವಿದೆ.‌ ಮಿಂಚು ದೂರದಿಂದ ಬಂದು ಪ್ರತಿಮೆಯ ಬುಡವನ್ನು ಮುಟ್ಟುತ್ತದೆ.‌ ನಾಲ್ಕು ಬಾರಿ ಮಿಂಚು ಬಂದಿದ್ದು, ಗುಡುಗಿನ ಸದ್ದೂ ಇದೆ.‌

ಮೈಕೀ ಸೀ ಈ ವಿಡಿಯೋ ಸೆರೆ ಹಿಡಿದು ಟ್ವಿಟರ್ ನಲ್ಲಿ ಅಪ್ಲೋಡ್ ಮಾಡಿದ್ದು, “ನಾನು ಸೆರೆ ಹಿಡಿದ ಅತ್ಯಂತ ಉತ್ತಮ ವಿಡಿಯೋ” ಎಂದು ಬರೆದುಕೊಂಡಿದ್ದಾರೆ.

ಜು.23 ರಂದು ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದು, 24 ಗಂಟೆಯಲ್ಲಿ 4.4 ಮಿಲಿಯನ್ ಜನ ವೀಕ್ಷಿಸಿದ್ದಾರೆ.
37 ಸಾವಿರ ಜನ ರೀ ಟ್ವೀಟ್ ಮಾಡಿದ್ದಾರೆ. 131 ಸಾವಿರ ಜನ ಇಷ್ಟಪಟ್ಟಿದ್ದಾರೆ.