ಜಗತ್ತಿನಲ್ಲೇ ಮುಖದ ಮೇಲೆ ಬೆಳೆದ ಅತ್ಯಂತ ದೊಡ್ಡ ಗಡ್ಡೆಯನ್ನ ಯಶಸ್ವಿ ಶಸ್ತ್ರ ಚಿಕಿತ್ಸೆ ನಡೆಸಿ ತೆಗೆದುಹಾಕಿದ ಬಳಿಕ ಟಿಕ್ಟಾಕ್ ಸೇರಿದಂತೆ ಸೋಶಿಯಲ್ ಮೀಡಿಯಾದ ವಿವಿಧ ವೇದಿಕೆಗಳಲ್ಲಿ ವೈದ್ಯರು ಮೆಚ್ಚುಗೆಯನ್ನ ಗಳಿಸುತ್ತಿದ್ದಾರೆ.
ಹೆಚ್ಚು ಕಡಿಮೆ ಕಲ್ಲಂಗಡಿ ಹಣ್ಣಿನಷ್ಟು ದೊಡ್ಡ ತೂಕದ ಗಡ್ಡೆಯು ವ್ಯಕ್ತಿಯೊಬ್ಬರ ಮುಖದ ಎಡಭಾಗದಲ್ಲಿ ಬೆಳೆದಿತ್ತು. ಇದನ್ನ ಫೇಷಿಯಲ್ ಸರ್ಜನ್ ಡಾ. ಗ್ರೇವ್ಸ್ ಎಂಬವರು ಯಶಸ್ವಿಯಾಗಿ ತೆಗೆದುಹಾಕಿದ್ದಾರೆ.
ಈ ಗಡ್ಡೆಯು ಮಾರಣಾಂತಿಕವಾಗಿರದೇ ಇದ್ದರೂ ಸಹ ಇದು ಬೆಳೆದು ಬೆಳೆದು ವ್ಯಕ್ತಿಯ ಮುಖದ ಸಂಪೂರ್ಣ ಎಡಭಾಗವನ್ನ ಆವರಿಸಿಕೊಂಡಿತ್ತು. ಸರಿ ಸುಮಾರು ಒಂದು ವರ್ಷಗಳಿಂದ ಚಾರ್ಲ್ಸ್ ಎಂಬವರು ಈ ಗಡ್ಡೆಯನ್ನ ಹೊಂದಿದ್ದರು. ಹಾಗೂ ಅವರಿಗೆ ಈ ದೈತ್ಯಾಕಾರದ ಗಡ್ಡೆಯಿಂದಾಗಿ ಯಾವುದೇ ಕೆಲಸಗಳನ್ನ ಮಾಡೋದು ತುಂಬಾನೇ ಕಷ್ಟವೆನಿಸುತ್ತಿತ್ತು.
ಆದರೆ ಡಾ. ಗ್ರೇವ್ಸ್ರ ನೆರವಿನಿಂದಾಗಿ ಇದೀಗ ಚಾರ್ಲ್ಸ್ರ ಮುಖ ಮೊದಲಿನಂತೆ ಆಗಿದೆ. ಟಿಕ್ಟಾಕ್ನಲ್ಲಿ ಈ ಅನುಭವ ಶೇರ್ ಮಾಡಿರುವ ಡಾ. ಗ್ರೇವ್ಸ್, ನಾನು ಚಾರ್ಲ್ಸ್ ಮುಖದಲ್ಲಿನ ಈ ಗಡ್ಡೆಯನ್ನ ನೋಡುತ್ತಿದ್ದಂತೆಯೇ ನನಗೆ ಈ ಶಸ್ತ್ರಚಿಕಿತ್ಸೆ ನಿಜಕ್ಕೂ ಅಚ್ಚರಿಗೊಂಡಿದ್ದೆ. ನಾನು ಉಚಿತವಾಗಿಯೇ ಈ ಗಡ್ಡೆಯನ್ನ ತೆಗೆಯುತ್ತೇನೆ ಎಂದು ಹೇಳಿದ್ದೆ ಎಂದಿದ್ದಾರೆ.
ಶಸ್ತ್ರಚಿಕಿತ್ಸೆ ಸಂಪೂರ್ಣ ಯಶಸ್ವಿಯಾಗಿದ್ದು ಸುರಕ್ಷಿತವಾಗಿ ಗಡ್ಡೆಯನ್ನ ತೆಗೆದುಹಾಕಲಾಗಿದೆ. ಗ್ರೇವ್ಸ್ ಶಸ್ತ್ರಚಿಕಿತ್ಸೆ ಮೊದಲು ಹಾಗೂ ನಂತರದ ಫೋಟೋಗಳನ್ನ ಶೇರ್ ಮಾಡಿದ್ದಾರೆ. ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಈ ಗಡ್ಡೆಯು ಸರಿಸುಮಾರು 21 ಕೆಜಿ ತೂಕವನ್ನ ಹೊಂದಿತ್ತು ಎನ್ನಲಾಗಿದೆ.