ಕೊರೊನಾ ವೈರಸ್ ಸಾಂಕ್ರಾಮಿಕದ ಸಂದರ್ಭದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವಿಚಿತ್ರ ತಿನಿಸುಗಳು ವೈರಲ್ ಆಗಿದ್ದವು. ಚಾಕಲೇಟ್ ಮ್ಯಾಗಿ, ಮೆಕ್ಡಿ ಐಸ್ ಕ್ರೀಂ, ಸ್ಟ್ರಾಬೆರ್ರಿ ಪಿಜ್ಜಾ, ನ್ಯುಟೆಲ್ಲಾ ಬಿರಿಯಾನಿ, ಚವನ್ಪ್ರಾಶ್ ಐಸ್ಕ್ರೀಂ ಅಥವಾ ಬೆಣ್ಣೆ ಚಹ ಹೀಗೆ ಸಾಕಷ್ಟು ಚಿತ್ರ ವಿಚಿತ್ರ ಆಹಾರಗಳು ಸೋಶಿಯಲ್ ಮೀಡಿಯಾದಲ್ಲಿ ನೆಟ್ಟಿಗರ ಹುಬ್ಬೇರಿಸಿದೆ.
ಇದೀಗ ನೀರಿನ ಬೋಂಡಾ ಕೂಡ ಈ ಲಿಸ್ಟಿಗೆ ಸೇರಿಕೊಂಡಿದೆ. ಅಂದಹಾಗೆ ಇದೇನು ಬಿಸಿ ನೀರಿಗೆ ಇಟ್ಟ ಮತ್ತೊಂದು ಹೆಸರು ಅಂತಾ ಭಾವಿಸಬೇಡಿ. 2016ರಲ್ಲಿ ಯುಟ್ಯೂಬರ್ ಜೋನಾಥನ್ ಮಾರ್ಕಸ್ ಎಂಬವರು ನೀರಿಗೆ ಹಿಟ್ಟು, ಮೊಟ್ಟೆ ಹಾಗೂ ಬ್ರೆಡ್ ಕ್ರಂಬ್ಸ್ಗಳನ್ನ ಹಾಕಿ ಎಣ್ಣೆಯಲ್ಲಿ ಕರಿಯುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು. ಇದಾದ ಐದು ವರ್ಷಗಳ ಬಳಿಕ ಇದೀಗ ಈ ಹಳೆ ಟ್ರೆಂಡ್ ಮತ್ತೊಮ್ಮೆ ಸುದ್ದಿಯಲ್ಲಿದೆ.
ಯುಟ್ಯೂಬರ್ ಹಾಗೂ ಕೆಮಿಕಲ್ ಇಂಜಿನಿಯರ್ ಜೇಮ್ಸ್ ಆರ್ಗಿಲ್, ಡಿಸೆಂಬರ್ 2020ರಲ್ಲಿ ನೀರನ್ನ ಡೀಪ್ ಫ್ರೈ ಮಾಡಿದ್ದಾರೆ. ಕ್ಯಾಲ್ಸಿಯಂ ಆಲ್ಜಿನೇಟ್ ಎಂಬ ಜಿಲಾಟಿನ್ ರೀತಿಯ ವಸ್ತುವನ್ನ ಕ್ಯಾಲ್ಸಿಯಂ ಕ್ಲೊರೈಡ್ ದ್ರಾವಣ ಹಾಗೂ ಸೋಡಿಯಂ ಅಲ್ಜಿನೇಟ್ನಿಂದ ತಯಾರಿಸಿ ನೀರಿನೊಂದಿಗೆ ಸೇರಿಸಿ ಘನೀಕರಿಸಿದ್ದಾರೆ.
ನೀರು ಹಾಗೂ ಎಣ್ಣೆಯನ್ನ ಮಿಶ್ರಣ ಮಾಡೋದು ಬಹಳ ಅಪಾಯಕಾರಿ ಕೆಲಸವಾಗಿದ್ದರೂ ಸಹ ಜೇಮ್ಸ್ ತಮ್ಮ ಮೊದಲ ಪ್ರಯತ್ನದಲ್ಲಿ ಯಶಸ್ವಿಯಾಗಿದ್ದಾರೆ.
ನಿಮ್ಮ ಆಹಾರದಲ್ಲಿ ಹೆಚ್ಚು ಕ್ಯಾಲರಿಯನ್ನ ಸೇರಿಸಲು ಇಚ್ಛಿಸದೇ ಹೋದಲ್ಲಿ ನೀವು ಈ ನೀರಿನ ಬೋಂಡಾವನ್ನ ತಿನ್ನಬಹದು ಎಂದು ಜೇಮ್ಸ್ ಆರ್ಗಿಲ್ ಹೇಳಿದ್ದಾರೆ. ಇದನ್ನ ಹಿಟ್ಟು. ಮೊಟ್ಟೆ ಹಾಗೂ ಬ್ರೆಡ್ ಕ್ರಂಬ್ನಲ್ಲಿ ಲೇಪನ ಮಾಡಿ ಎಣ್ಣೆಯಲ್ಲಿ ಕರಿದಿದ್ದಾರೆ.
ಈ ಹೊಸ ತಿಂಡಿಗೆ ಜೇಮ್ಸ್ ರಾ ಜೆಲ್ಲಿ ಫಿಶ್ ಎಂದು ಕರೆದಿದ್ದಾರೆ. ಅಂದಹಾಗೆ ಇದೇನು ಅಂತಾ ವಿಶೇಷ ರುಚಿಯನ್ನ ಹೊಂದಿಲ್ಲ. ಪರಿಮಳವೂ ಇರೋದಿಲ್ಲ. ಇದೊಂದು ಸೌಮ್ಯ ರುಚಿಯನ್ನ ಹೊಂದಿರುತ್ತದೆ.
Loading ...