ಮದುವೆ ಸಮಾರಂಭದಲ್ಲೇ ವಿಶ್ವ ದಾಖಲೆ ನಿರ್ಮಿಸಿದ ವಧು….!

ಮದುವೆಯ ದಿನ ತಾನು ಎಲ್ಲರಿಗಿಂತ ಚಂದ ಕಾಣಬೇಕು ಅನ್ನೋ ಆಸೆ ಪ್ರತಿಯೊಬ್ಬ ಹೆಣ್ಮಕ್ಕಳಿಗೂ ಇರುತ್ತೆ. ಮದುವೆ ದಿನ ಧರಿಸುವ ಉಡುಗೆಗಾಗಿ ಯುವತಿಯರು ಸಿಕ್ಕಾಪಟ್ಟೆ ಯೋಚನೆ ಮಾಡುತ್ತಾರೆ.

ಸಿಪ್ರಸ್​​ನ ಮಹಿಳೆ ಮಾರಿಯಾ ಪರಸ್ಕೇವಾ ಎಂಬಾಕೆ ಮದುವೆ ದಿನ ಒಳ್ಳೆಯ ಉಡುಗೆ ಧರಿಸೋದ್ರ ಜೊತೆಗೆ ಈ ಉಡುಗೆಯ ಮೂಲಕವೇ ವಿಶ್ವ ದಾಖಲೆ ನಿರ್ಮಿಸಿದ್ದಾಳೆ.

ಕ್ರಿಶ್ಚಿಯನ್​​ ಧರ್ಮದಲ್ಲಿ ಮದುವೆ ದಿನ ವಧು ಶ್ವೇತವರ್ಣದ ಗೌನ್​ ಧರಿಸುತ್ತಾರೆ. ತಲೆ ಇದೇ ಬಣ್ಣದ ಶಾಲನ್ನೂ ಹಾಕಿಕೊಳ್ತಾರೆ. ಆದರೆ ಮಾರಿಯಾ ತನ್ನ ವಿವಾಹ ಸಂದರ್ಭದಲ್ಲಿ ವಿಶ್ವದಲ್ಲೇ ಅತ್ಯಂತ ಉದ್ದನೆಯ ಶಾಲನ್ನ ತಲೆಗೆ ಹಾಕಿಕೊಂಡಿದ್ದಾಳೆ. ಈ ಶಾಲು 6962.6 ಮೀಟರ್​ ಉದ್ದವಿತ್ತು. ಈ ಶಾಲನ್ನ ಮದುವೆ ನಡೆಯುತ್ತಿದ್ದ ಮೈದಾನದ ಮೇಲೆ ಹಾಸಲಾಗಿತ್ತು.

ಇನ್​ಸ್ಟಾಗ್ರಾಂ ಪೇಜ್​ನಲ್ಲಿ ಗಿನ್ನೆಸ್​ ವಿಶ್ವ ದಾಖಲೆ ಈ ಕ್ಲಿಪ್​ನ್ನು ಶೇರ್​ ಮಾಡಿದೆ. ಇನ್ನು ಈ ವಿಚಾರವಾಗಿ ಮಾತನಾಡಿದ ಮಾರಿಯಾ, ಚಿಕ್ಕ ವಯಸ್ಸಿನಿಂದಲೂ ನನಗೆ ಗಿನ್ನೆಸ್​ ದಾಖಲೆ ಮಾಡಬೇಕು ಎಂಬ ಕನಸಿತ್ತು. ಇದೀಗ ನನ್ನ ಕನಸು ಈ ವೇಲ್​ನ ಮೂಲಕ ನಿಜವಾಗಿದೆ ಎಂದು ಹೇಳಿದ್ದಾರೆ.

ಇನ್ನು ಈ ಯುವತಿಯ ಸಾಧನೆಗೆ ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಕೆಲವರು ಇದೊಂದು ವ್ಯರ್ಥ ಸಾಧನೆ ಅಂತಾ ಹೇಳಿದ್ರೆ ಇನ್ನೂ ಹಲವರು ಈಕೆ ಶಾಲಿನಂತೆಯೇ ದಾಂಪತ್ಯ ಜೀವನವೂ ಬಹುದೂರ ಸಾಗಲಿ ಎಂದು ಹರಸಿದ್ದಾರೆ.

https://www.instagram.com/p/CNGO8h5hWWV/?utm_source=ig_web_copy_link