ಕೊರೋನಾ ವೈರಸ್ ಸಾಂಕ್ರಮಿಕದ ಕಾರಣದಿಂದ ಅಮೆರಿಕದ ಇಲಿನಾಯ್ಸ್‌ ನ ಜೋಡಿಯೊಂದು ತನ್ನ ಕನಸಿವ ವಿವಾಹದ ಯೋಜನೆಯನ್ನು ಕೈಬಿಟ್ಟಿದೆ. ವೆಡ್ಡಿಂಗ್ ರಿಸೆಪ್ಷನ್‌ಗೆಂದು ತೆಗೆದಿರಿಸಿದ್ದ ದೊಡ್ಡ ಮೊತ್ತವನ್ನು ಬಡವರಿಗೆ ನೀಡಲೆಂದು ವಿನಿಯೋಗಿಸಿದ್ದಾರೆ.
ಬಿಲ್ಲಿ ಲೆವಿಸ್ ಹಾಗೂ ಎಮಿಲಿ ಬಗ್ ಹೆಸರಿನ ಈ ಜೋಡಿ, ಥ್ಯಾಂಕ್ಸ್ ಗಿವಿಂಗ್ ದಿನದಂದು ಸುಮಾರು 200 ಮಂದಿಗೆ ಎನ್‌ಜಿಓ ಒಂದರ ಮೂಲಕ ಊಟದ ವ್ಯವಸ್ಥೆ ಮಾಡಿದ್ದಾರೆ. ಈ ಜೋಡಿಯು ಅಕ್ಟೋಬರ್‌ 1ರಂದು ಷಿಕಾಗೋ ಸಿಟಿ ಹಾಲ್‌ನಲ್ಲಿ ಸರಳವಾದ ಸಮಾರಂಭವೊಂದರಲ್ಲಿ ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟಿದೆ.
ತಮ್ಮ ವೆಡ್ಡಿಂಗ್‌ನ ಬಹುತೇಕ ಕಾರ್ಯಕ್ರಮಗಳನ್ನು ರದ್ದು ಮಾಡಿದ ಈ ಜೋಡಿ, ಇದರಿಂದ ಉಳಿದ $5000 ಗಳನ್ನು ಥ್ಯಾಂಕ್ಸ್ ಗಿವಿಂಗ್ ಡಿನ್ನರ್‌ ಏರ್ಪಡಿಸಿ ಅಗತ್ಯವಿರುವ ಜನರು ಹಾಗೂ ಮಾನಸಿಕ ಅಸ್ವಸ್ಥರಿಗೆ ಔತಣ ಕೊಟ್ಟಿದ್ದಾರೆ. ಈ ಜೋಡಿಯ ಔದಾರ್ಯದಲ್ಲಿ ಭಾಗಿಯಾಗಿ ಷಿಕಾಗೋ ಮೂಲದ ಬಿಗ್ ಡೆಲಿಷಿಯಸ್ ಪ್ಲಾನೆಟ್‌ ಪ್ಯಾಕೇಜ್ಡ್‌ ಮೀಲ್‌ಗಳನ್ನು ಪೂರೈಸಿದೆ.
Loading ...