ಮೈ ಝುಂ ಎನಿಸುತ್ತೆ ಸೇತುವೆ ಮೇಲೆ ಸಂಭವಿಸಿದ ಅಪಘಾತದ ದೃಶ್ಯ…..!

60 ವರ್ಷ ಆಸುಪಾಸಿನ ದಂಪತಿ ಅಮೆರಿಕದ ಇಡಾಹೋದಲ್ಲಿ ರಸ್ತೆ ಅಪಘಾತದ ಬಳಿಕ 100 ಅಡಿ ಎತ್ತರದ ಸೇತುವೆ​ ಒಂದರಲ್ಲಿ ಕಾರು ಸಮೇತ ನೇತಾಡಿದ ಮೈ ಝುಂ ಎನ್ನಿಸುವ ಘಟನೆ ನಡೆದಿದೆ.

ಸೇತುವೆಯಲ್ಲಿ ನೇತಾಡುತ್ತಿದ್ದ ವೃದ್ಧ ದಂಪತಿಯನ್ನ ಸಿನಿಮೀಯ ರೀತಿಯಲ್ಲಿ ರಕ್ಷಣಾ ಸಿಬ್ಬಂದಿ ಬಚಾವ್​ ಮಾಡಿದ್ದಾರೆ. ವೃದ್ಧ ದಂಪತಿಯ ರಕ್ಷಣಾ ಕಾರ್ಯದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.

ಮಾರ್ಚ್ 16ರಂದು ವೃದ್ಧ ದಂಪತಿ ತಮ್ಮ ವ್ಯಾನ್​ನಲ್ಲಿ ಮಲಾಡ್​ ಜಾರ್ಜ್​ ಸೇತುವೆ ಮೇಲೆ ಪ್ರಯಾಣ ಮಾಡುತ್ತಿದ್ದರು. ಇದೇ ವೇಳೆ 67 ವರ್ಷದ ವೃದ್ಧ ವಾಹನದ ಮೇಲಿನ ನಿಯಂತ್ರಣ ತಪ್ಪಿದ ಕಾರಣ ವ್ಯಾನ್​ ಅಪಘಾತಕ್ಕೆ ಈಡಾಗಿದ್ದು ಪರಿಣಾಮ ದಂಪತಿ ಸೇತುವೆಯಲ್ಲಿ ನೇತಾಡುವಂತಾಗಿದೆ.

ಸೇತುವೆಯ ಬದಿಯಲ್ಲಿ ನೇತಾಡುತ್ತಿದ್ದ ವಾಹನದ ಒಳಗೆ ನೇತಾಡುತ್ತಿದ್ದ ದಂಪತಿಯನ್ನ ರಕ್ಷಣಾ ಸಿಬ್ಬಂದಿ ಟ್ರಕ್​​​ನ ಸಹಾಯದಿಂದ ರಕ್ಷಿಸಿದ್ದಾರೆ.

https://www.facebook.com/MVParamedics/posts/3807389039296738