ಜ್ವರ ಪತ್ತೆಗಾಗಿ ಬಂತು ಸ್ಮಾರ್ಟ್ ಗ್ಲಾಸ್…!

ಹಂಗ್ ಝೌ: ಚೀನಾದ ಹಂಗ್ ಝೌ ಪಾರ್ಕ್ ಒಂದರ ಭದ್ರತಾ‌ ಸಿಬ್ಬಂದಿ ಜ್ವರ ಪತ್ತೆಗೆ ಎಐ-ಪವರ್ಡ್ ಸ್ಮಾರ್ಟ್ ಕನ್ನಡಕಗಳನ್ನು ಬಳಸುತ್ತಿದ್ದಾರೆ.

ಹಂಗ್ ಝೌನ ಜೌಗು‌ ಭೂಮಿ‌ ಸಂರಕ್ಷಣಾ ಕಾರ್ಯಕ್ರಮ ಕ್ಷಿಕ್ಷಿ ಭಾಗವಾಗಿ ಉತ್ತರ ಚೈನಾದ ಹಂಗ್ಯುಯನ್‌ ಪಾರ್ಕ್ ಭದ್ರತಾ ಸಿಬ್ಬಂದಿಗೆ ರೊಕಿಡ್ ಕಾರ್ಪ್ಸ್ ಈ ಸ್ಮಾರ್ಟ್ ಕನ್ನಡಕಗಳನ್ನು ನೀಡಿದೆ.

ಈ ಕನ್ನಡಕಗಳು 1 ಮೀಟರ್‌ ದೂರದಿಂದಲೇ ವ್ಯಕ್ತಿಯ ದೇಹದ ಉಷ್ಣಾಂಶವನ್ನು ಗುರುತಿಸಬಲ್ಲದು. ಕನ್ನಡಕದಿಂದ ಎರಡೇ ನಿಮಿಷದಲ್ಲಿ ನೂರಾರು ಜನರ ಉಷ್ಣಾಂಶವನ್ನು ಪತ್ತೆ ಮಾಡಬಹುದಾಗಿದೆ ಎಂದು ಕಂಪನಿ ಹೇಳಿದೆ.

ಸಾಮಾನ್ಯ ಸನ್‌ ಗ್ಲಾಸ್ ನಂತೆ ಕಾಣುವ ಈ ಕನ್ನಡಕ 100 ಗ್ರಾಂ ತೂಕವಿದೆ. ಕಿವಿಗೆ ಸಣ್ಣ ವಯರ್ ಸಂಪರ್ಕ ಹೊಂದಿದ್ದು, ಜ್ವರ ಇರುವವರು ಪತ್ತೆಯಾದಲ್ಲಿ ಧ್ವನಿ ಸಂದೇಶ ಕಳಿಸಲಿದೆ. ಕಂಪನಿ ಇದನ್ನು ಬರುವ ಜನವರಿ ಒಳಗೆ ಎಲ್ಲ ಸಂಚಾರಿ ಪೊಲೀಸರಿಗೆ ಒದಗಿಸುವ ಯೋಜನೆ‌ ಹೊಂದಿದೆ.