ಐದೇ ದಿನಗಳಲ್ಲಿ ನಿರ್ಮಾಣವಾಯ್ತು 1,500 ಕೊಠಡಿಗಳ ಆಸ್ಪತ್ರೆ…!

ಕೊರೊನಾ ಸೋಂಕನ್ನ ಹತೋಟಿಗೆ ತರುವ ಸಲುವಾಗಿ ಚೀನಾ ಸರ್ಕಾರ ಈ ಬೃಹತ್​ ಆಸ್ಪತ್ರೆಯನ್ನ ನಿರ್ಮಾಣ ಮಾಡಿದೆ.

ಹ್ಯೂಬೆಯಲ್ಲಿ ಒಟ್ಟು 6500 ಕೊಠಡಿಗಳನ್ನ ಹೊಂದಿರುವ ಆರು ಆಸ್ಪತ್ರೆಗಳನ್ನ ನಿರ್ಮಿಸಲು ಚೀನಾ ಸರ್ಕಾರ ಯೋಜನೆ ಹಾಕಿದೆ. ಇದೇ ಯೋಜನೆಯ ಮೊದಲ ಹಂತದಲ್ಲಿ ಬೀಜಿಂಗ್​ನಲ್ಲಿ ಈ ಬೃಹತ್​ ಸರ್ಕಾರಿ ಆಸ್ಪತ್ರೆ ನಿರ್ಮಾಣವಾಗಿದೆ.

ಶಿಜುಹ್ವಾಂಗ್​​ನಲ್ಲಿ ಈಗಾಗಲೇ 1 ಸಾವಿರ ಕೊಠಡಿಗಳುಳ್ಳ ಆಸ್ಪತ್ರೆಯನ್ನ ನಿರ್ಮಾಣ ಮಾಡಲಾಗಿದೆ. ವಾರದೊಳಗಾಗಿ ಆಸ್ಪತ್ರೆಯಲ್ಲಿ ಎಲ್ಲಾ ವೈದ್ಯಕೀಯ ಸೌಕರ್ಯ ಒದಗಿಸಲಾಗಿದೆ.

ಕಳೆದ ವರ್ಷ ವುಹಾನ್​​ನಲ್ಲಿ ಕೊರೊನಾ ಸ್ಪೋಟಗೊಂಡ ಸಂದರ್ಭದಲ್ಲೂ ಚೀನಾ ಸರ್ಕಾರ ಇದೇ ರೀತಿ ತ್ವರಿತವಾಗಿ ಆಸ್ಪತ್ರೆಗಳನ್ನ ನಿರ್ಮಾಣ ಮಾಡಿತ್ತು.

ಶುಕ್ರವಾರ ಶಿಜುಹ್ವಾಂಗ್​​ನಲ್ಲಿ 10 ಮಿಲಿಯನ್​ಗೂ ಹೆಚ್ಚು ಜನರಿಗೆ ಕೊರೊನಾ ಪರೀಕ್ಷೆ ಕೈಗೊಳ್ಳಲಾಗಿದೆ. ಇದರಲ್ಲಿ ಸ್ಥಳೀಯವಾಗಿ 247 ಕೊರೊನಾ ಪ್ರಕರಣಗಳು ಪತ್ತೆಯಾಗಿದೆ ಎಂದು ಮೇಯರ್​ ಮೆಂಗ್​ ಕ್ಸಿಯಾಘೋಂಗ್​ ಮಾಹಿತಿ ನೀಡಿದ್ದಾರೆ.