ಇಂಟರ್ನೆಟ್ ಇತಿಹಾಸದಲ್ಲೇ ಭಾರೀ ವೈರಲ್ ಆದ ವಿಡಿಯೋವೊಂದು ಆರು ಅಂಕಿಗಳ ಮೊತ್ತಕ್ಕೆ ಹರಾಜಾಗಿದೆ. 2000 ದಶಕದ ವೈರಲ್ ವಿಡಿಯೋಗಳಲ್ಲಿ ಒಂದಾದ ಈ ವಿಡಿಯೋವನ್ನ ಡಿಜಿಟಲ್ ಕಲೆಕ್ಟರ್ ನಾನ್ ಫಂಗಿಬಲ್ ಟೋಕನ್ಸ್ ಖರೀದಿ ಮಾಡಿದೆ.
ʼಚಾರ್ಲಿ ಬಿಟ್ ಮೈ ಫಿಂಗರ್ʼ ಎಂಬ ವೈರಲ್ ವಿಡಿಯೋದ 14ನೇ ವಾರ್ಷಿಕೋತ್ಸವದ ಪ್ರಯುಕ್ತ ವಿಡಿಯೋ ಬರೋಬ್ಬರಿ 761,000 ಡಾಲರ್‌ ಗೆ ಹರಾಜಾಗಿದೆ.
2007ರಲ್ಲಿ ಪೋಸ್ಟ್ ಆದ ಈ 55 ಸೆಕೆಂಡ್ಗಳ ಯುಟ್ಯೂಬ್ ವಿಡಿಯೋದಲ್ಲಿ ಬ್ರಿಟಿನ್ ಬಾಲಕ ಹ್ಯಾರಿ ಹಾಗೂ ಅತನ ಪುಟ್ಟ ತಮ್ಮ ಚಾರ್ಲಿಯ ಮುದ್ದಾದ ದೃಶ್ಯವಿದೆ. ಹ್ಯಾರಿ ತನ್ನ ಕೈ ಬೆರಳುಗಳನ್ನ ಚಾರ್ಲಿಯ ಬಾಯಲ್ಲಿ ಇಡುತ್ತಾನೆ. ಚಾರ್ಲಿ ಆತನ ಕೈ ಕಚ್ಚುತ್ತಿದ್ದಂತೆಯೇ ಚಾರ್ಲಿ ಬಿಟ್ ಮೈ ಫಿಂಗರ್, ಚಾರ್ಲಿ ನನಗೆ ನೋವಾಗುತ್ತಿದೆ ಎಂದು ಹೇಳುವ ದೃಶ್ಯ ತುಂಬಾನೇ ಮುದ್ದಾಗಿದೆ.
883 ಮಿಲಿಯನ್ಗೂ ಅಧಿಕ ವೀವ್ಸ್ ಸಂಪಾದಿಸಿದ ಬಳಿಕ ಈ ವಿಡಿಯೋ ಯುಟ್ಯೂಬ್ನ ಪ್ರಸಿದ್ಧ ವಿಡಿಯೋಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯಿತು. ಇದೀಗ ಈ ಹರಾಜು ಪ್ರಕ್ರಿಯೆ ಬಳಿಕ ಈ ವಿಡಿಯೋ ಯುಟ್ಯೂಬ್ನಿಂದ ಡಿಲೀಟ್ ಆಗಲಿದೆ. ಆದರೆ ಈಗಾಗಲೇ ಈ ವಿಡಿಯೋ ವಿವಿಧ ಸೋಶಿಯಲ್ ಮೀಡಿಯಾ ವೇದಿಕೆಗಳಲ್ಲಿ ಹಂಚಲ್ಪಟ್ಟಿದೆ.
Loading ...