ತುಂಟ ಬೆಕ್ಕಿನ ಕಳ್ಳಾಟ ಕ್ಯಾಮರದಲ್ಲಿ ಸೆರೆ….!

ಬರೀ ಹಾಲನ್ನು ಕದ್ದು ಕದ್ದು ಬೋರ್‌ ಆದಂತೆ ಕಾಣುವ ಟೈಗರ್‌ ಹೆಸರಿನ ಈ ಬೆಕ್ಕು ಇದೀಗ ಪ್ಯಾನ್‌ ಕೇಕ್‌ಗಳನ್ನೂ ಕದಿಯಲು ಆರಂಭಿಸಿದೆ.

ಬ್ರಿಟನ್‌ನ ಕ್ಯಾಂಟರ್‌ಬೆರಿ ಕ್ಯಾಥೆಡ್ರಲ್‌ನಲ್ಲಿರುವ ಬೆಕ್ಕುಗಳಲ್ಲಿ ಒಬ್ಬನಾದ ಟೈಗರ್‌ ತನ್ನ ವಿನೋದದ ಲೈಫ್‌ನಿಂದ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಲ್ಲಿದ್ದಾನೆ. ಡೀನ್ ರಾಬರ್ಟ್ ವಿಲ್ಲಿಸ್‌ರ ಪ್ಲೇಟ್‌ನಿಂದ ಪ್ಯಾನ್‌ ‌ಕೇಕ್‌ ಒಂದನ್ನು ಎತ್ತಿಕೊಂಡು ಹೋದ ಟೈಗರ್‌‌ ಕಳೆದ ವರ್ಷ ಇದೇ ಡೀನ್ ಲೋಟದಿಂದ ಹಾಲನ್ನು ಹೀರುವಾಗ ವಿಡಿಯೋದಲ್ಲಿ ಸೆರೆಯಾಗಿದ್ದ.

“ಹಾಲನ್ನು ಗುಟಕರಿಸುವುದಿಂದ ಯಾಕೋ ಸಮಾಧಾನ ಆಗದು ಎಂಬಂತೆ ಕಾಣುವ ತುಂಟ ಟೈಗರ್‌ ಇದೀಗ ಡೀನ್ ರಾಬರ್ಟ್‌ರ ಪ್ಯಾನ್ ‌ಕೇಕ್‌ ಮೇಲೆ ಕಣ್ಣಿಟ್ಟಿದ್ದಾನೆ” ಎಂದು ಕ್ಯಾಂಟರ್‌ಬೆರಿ ಕ್ಯಾಥೆಡ್ರಲ್‌ ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಬರೆದುಕೊಂಡಿದ್ದು, ವಿಡಿಯೋವನ್ನು ಸಹ ಪೋಸ್ಟ್ ಮಾಡಿದೆ.

https://www.instagram.com/p/CLWl5BAjFlE/?utm_source=ig_embed