ಬೆಕ್ಕುಗಳನ್ನ ಚೇಷ್ಠೆ ಬುದ್ಧಿಯ ಪ್ರಾಣಿಗಳು ಅಂತಾ ಕರೆಯಲಾಗುತ್ತೆ. ಇದೇ ಮಾತಿಗೆ ಉದಾಹರಣೆ ಎಂಬಂತೆ ನಲ್ಲಿಯನ್ನ ಆನ್ ಮಾಡಲು ಕಲಿತಿದ್ದ ಬೆಕ್ಕೊಂದು ಮನೆ ಮಾಲೀಕೆಗೆ ಲಕ್ಷಗಟ್ಟಲೇ ಹಣ ನಷ್ಟ ಮಾಡಿದೆ.
26 ವರ್ಷದ ಜಾಸ್ಮಿನ್ ಸ್ಟಾರ್ಕ್ ಎಂಬವರು ಕೇವಲ ಅರ್ಧ ಗಂಟೆ ಮನೆಯಿಂದ ಹೊರಹೋಗಿದ್ದಾರೆ. ಮನೆಗೆ ವಾಪಸ್ಸಾಗೋ ಅಷ್ಟರಲ್ಲಿ ಆಕೆಯ ಮನೆ ಜಲಾವೃತವಾಗಿದೆ. ಅಂದಹಾಗೆ ಇದಕ್ಕೆ ಕಾರಣ ಆಕೆಯ ಬೆಕ್ಕು ಅಂಬರ್
ಅಂಬರ್ ಹೆಸರಿನ ಬೆಕ್ಕು ಕೆಲದಿನಗಳ ಹಿಂದಷ್ಟೇ ನಲ್ಲಿಯನ್ನ ಹೇಗೆ ಬಳಸಬೇಕು ಅನ್ನೋದನ್ನ ಕಲಿತಿತ್ತು. ಕೆಲ ದಿನಗಳ ಹಿಂದಷ್ಟೇ ಜಾಸ್ಮಿನ್ ಮತ್ತಾಕೆಯ ಸಂಗಾತಿ ರೊಬ್ ಬೆಕ್ಕು ನಲ್ಲಿ ಬಳಕೆ ಮಾಡ್ತಿರೋದನ್ನ ವಿಡಿಯೋ ಕೂಡ ಮಾಡಿದ್ದರು.
ಆದರೆ ಅರ್ಧ ಗಂಟೆಗೆ ಅಂತಾ ಮನೆ ಬಿಟ್ಟು ಹೋಗಿದ್ದ ಜಾಸ್ಮಿನ್ ಬಚ್ಚಲು ಮನೆಯ ಬಾಗಿಲು ಹಾಕೋಕೆ ಮರೆತಿದ್ದಾರೆ. ಇದಕ್ಕೆ ಕಾಯ್ತಿದ್ದ ಬೆಕ್ಕು ನಲ್ಲಿ ಆನ್ ಮಾಡಿದೆ. ಪರಿಣಾಮ ಮನೆಯಲ್ಲಿನ ಎಲ್ಲಾ ಪೀಠೋಪಕರಣಗಳು ನೀರುಪಾಲಾಗಿದ್ದು ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ.