ಸೋಶಿಯಲ್ ಮೀಡಿಯಾದಲ್ಲಿ ಒಂದಲ್ಲ ಒಂದು ವಿಚಾರ ಟ್ರೆಂಡಿಂಗ್ನಲ್ಲಿ ಬಂದೇ ಇರುತ್ತೆ. ಒಮ್ಮೆ ಒಂದು ಟ್ರೆಂಡ್ ಶುರುವಾಯ್ತು ಅಂದರೆ ಸಾಕು ನೆಟ್ಟಿಗರು ಅಂದರ ಹ್ಯಾಂಗ್ಓವರ್ನಲ್ಲೇ ಇದ್ದು ಬಿಡ್ತಾರೆ.
ಈಗೀಗ ಅಂತು ಸೋಶಿಯಲ್ ಮೀಡಿಯಾ ಚಾಲೆಂಜ್ಗಳು ಟ್ರೆಂಡಿಂಗ್ನಲ್ಲಿರುತ್ತವೆ.ಇನ್ನು ಕೆಲವು ಬಾರಿ ಬಣ್ಣಿಸಲು ಸಾಧ್ಯವೇ ಆಗದಂತಹ ಚಿತ್ರ ವಿಚಿತ್ರ ವಿಚಾರಗಳು ಸೋಶಿಯಲ್ ಮೀಡಿಯಾದಲ್ಲಿ ಸೌಂಡ್ ಮಾಡುತ್ತವೆ.
ಇದೇ ರೀತಿಯ ವಿಚಿತ್ರ ವಿಡಿಯೋಗಳಲ್ಲಿ ಇದೀಗ ಇನ್ನೊಂದು ವಿಡಿಯೋ ಸೇರ್ಪಡೆಯಾಗಿದೆ. ಟಿಕ್ಟಾಕ್ನಲ್ಲಿ ಶೇರ್ ಮಾಡಲಾದ ವಿಡಿಯೋದಲ್ಲಿ ಪಾತ್ರೆ ತೊಳೆಯುವ ಸಿಂಕ್ನಲ್ಲಿ ಚಿಕನ್ನ್ನು ಬೇಯಿಸೋದು ಹೇಗೆ ಅನ್ನೋದನ್ನ ವಿವರಿಸಲಾಗಿದೆ.
ಸಿಂಕ್ನಲ್ಲಿ ಚಿಕನ್ ಪೀಸ್ನ್ನು ಇಟ್ಟು ಅದರ ಮೇಲೆ ಬಿಸಿನೀರನ್ನ ಸುರಿಯುತ್ತಾರೆ. ಈ ರೀತಿ ಪದೇ ಪದೇ ಬಿಸಿ ನೀರನ್ನ ಹಾಕಿದ ಬಳಿಕ ಚಿಕನ್ ಬಿಳಿ ಬಣ್ಣಕ್ಕೆ ತಿರುಗಿದೆ. ಬಿಳಿ ಬಣ್ಣಕ್ಕೆ ತಿರುಗಿದ ಈ ಚಿಕನ್ನ್ನು ಟಿಕ್ಟಾಕ್ ಬಳಕೆದಾರ ಕಾಳು ಮೆಣಸು ಹಾಗೂ ಬ್ರೊಕೊಯಿ ಜೊತೆ ಸವಿಯಲು ನೀಡಿದ್ದಾರೆ.
ಈ ಚಿಕನ್ ಮೇಲಿನಿಂದ ಬೆಂದಂತೆ ಕಂಡರೂ ಸಹ ಒಳಗಡೆ ಬೆಂದಿರೋಕೆ ಸಾಧ್ಯಾನೇ ಇಲ್ಲ. ಹೀಗಾಗಿ ಇಂಟರ್ನೆಟ್ನಲ್ಲಿ ವೈರಲ್ ಆಗುವ ಇಂತಹ ವಿಚಿತ್ರ ತಿನಿಸುಗಳು ಮನೆಯಲ್ಲಿ ಟ್ರೈ ಮಾಡದೇ ಇರೋದೇ ಒಳಿತು.
Loading ...