91 ವರ್ಷದ ಅಜ್ಜನೊಬ್ಬ ತನ್ನ ಮೊಮ್ಮಕ್ಕಳ ಜತೆ ಸೇರಿ ಡಾಲ್ಗೊನಾ ಕಾಫಿ ಮಾಡಿದ ವಿಡಿಯೋ ಯು ಟ್ಯೂಬ್ ನಲ್ಲಿ ಅಪ್‌ಲೋಡ್ ಆಗಿದ್ದು, ವೈರಲ್ ಆಗಿದೆ.
ಅವರು ಹೇಳುವ ಸೂಚನೆಗಳನ್ನು ಖುಷಿಯಿಂದ ಪಾಲಿಸುವ ಅಜ್ಜ ಕಾಫಿ ಮಾಡಿದ ನಂತರ ಅದಕ್ಕೆ ಮೊಮ್ಮಕ್ಕಳ ಸೂಚನೆಯಂತೆ ಹಾಲು ಸೇರಿಸುತ್ತಾನೆ.
ನಂತರ ಅದರ ರುಚಿ ನೋಡಿದ ಅಜ್ಜ ಇದು ಅಷ್ಟೊಂದೇನೂ ರುಚಿಯಾಗಿಲ್ಲ ಎಂದು ಹೇಳುತ್ತಾನೆ. ಆದರೂ ಆತ ಮೊಮ್ಮಕ್ಕಳ ಸೂಚನೆ ಪಾಲಿಸುವಲ್ಲಿ ತುಂಬಾ ಖುಷಿಪಡುವುದು ಮುಖದಲ್ಲೇ ಗೊತ್ತಾಗುತ್ತದೆ.
ವಿಡಿಯೋ ನಡುವೆ ಒಂದಿಷ್ಟು ಇಂಗ್ಲಿಷ್ ವಿವರಣೆ ಇದ್ದು, ನೋಡಿದಲ್ಲಿ ಇಡೀ ದಿನ ನಿಮ್ಮನ್ನು ಖುಷಿಯಲ್ಲಿಡುವಂತಿದೆ.
ಅಜ್ಜ ಅಜ್ಜಿ ಮನೆಯಲ್ಲಿದ್ದರೆ ಎಲ್ಲರಿಗೂ ಖುಷಿ. ಮೊಮ್ಮಕ್ಕಳು ಅವರಿಗೆ ಆಧುನಿಕ ವಸ್ತುಗಳಾದ ಇಂಟರ್ ನೆಟ್ ಬಳಕೆ, ವಿಡಿಯೋ ಡಬ್ ಮಾಡುವುದು ಮುಂತಾದ ವಿಚಾರಗಳನ್ನು ಹೇಳಿಕೊಡುತ್ತಾರೆ. ಈ ಮೂಲಕ ಅವರೂ ಇ-ಲೋಕಕ್ಕೆ ತೆರೆದುಕೊಳ್ಳುತ್ತಿದ್ದಾರೆ.
Loading ...