ಇಬ್ಬರು ಪುಟ್ಟ ಬಾಲಕರು ಆರೇಂಜ್ ಸೋಡಾ ಕುಡಿಯುವಾಗ ಆನಂದಿಸುವ ಹಾಗೂ ಕೇಕೆ ಹಾಕಿ ನಗುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆ ಮಕ್ಕಳ ನಗುವಿಗೆ ಕಾರಣಗಳು ತಿಳಿದಿಲ್ಲ, ಆದರೆ ಅವರ ಹೃದಯಾಂತರಾಳದ ನಗು ನೆಟ್ಟಿಗರ ಮನಗೆದ್ದಿದೆ. ಇಬ್ಬರೂ ಒಂದೇ ತರಹದ ಬಟ್ಟೆಯನ್ನು ಧರಿಸಿದ್ದು ಸಹೋದರರಂತೆಯೂ ಕಾಣಿಸುತ್ತಾರೆ.
ನಿಕೋಲಾ ಮಾರಿಯಾ ರಾಬರ್ಟ್ ಎಂಬುವರು ಈ ವಿಡಿಯೋವನ್ನು ಶೇರ್ ಮಾಡಿದ್ದು, 2.5 ಲಕ್ಷ ವೀಕ್ಷಣೆ ಕಂಡಿದೆ. ಅನೇಕ ನೆಟ್ಟಿಗರು ಪ್ರತಿಕ್ರಿಯೆ ನೀಡಿದ್ದಾರೆ. ಒಬ್ಬರಂತೂ, ನಾನು ಕೆಲವು ವರ್ಷಗಳಲ್ಲಿ ಈ ಇಬ್ಬರೊಂದಿಗೆ ಪಬ್ ನಲ್ಲಿ ಕುಳಿತುಕೊಳ್ಳಲು ಬಯಸುತ್ತೇನೆ ಎಂದು ಪ್ರತಿಕ್ರಿಯಿಸಿದ್ದಾರೆ.