ಕೀಲುನೋವಿನ ಸಮಸ್ಯೆ ಹೊಂದಿದ್ದ ದೈತ್ಯ ಆಮೆಗೆ ಯಶಸ್ವಿ ಚಿಕಿತ್ಸೆ..!

ಇದು ನೋಡೋಕೆ ನಿಮಗೆ ವಿಚಿತ್ರ ಎನಿಸಬಹುದು. ಆದರೆ ಜರ್ಮನಿಯಲ್ಲಿರುವ ಈ ದೈತ್ಯ ಆಮೆ ರೋಲರ್​ ಬೋರ್ಡ್​ನಲ್ಲಿ ಓಡಾಡುವ ಮೂಲಕವೇ ಸುದ್ದಿಯಾಗಿದೆ.

ಅಂದಹಾಗೆ ಮನರಂಜನೆಗಾಗಿ ಆಮೆಗೆ ಈ ರೋಲರ್​ ಬೋರ್ಡ್​ನ್ನು ನೀಡಲಾಗಿಲ್ಲ. ಆದರೆ ಇದಕ್ಕೆ ದೈತ್ಯ ಚಿಪ್ಪನ್ನ ಹೊರೋದು ಕಷ್ಟವಾಗಿದ್ದರಿಂದ ವೈದ್ಯರು ಈ ರೀತಿ ಮಾಡಿದ್ದಾರೆ.

23 ವರ್ಷದ ಹೆಲ್ಮುತ್​ ಹೆಸರಿನ ಈ ಗಂಡು ಆಮೆ ಬರೋಬ್ಬರಿ 100 ಕೆಜಿ ತೂಕವನ್ನ ಹೊಂದಿದೆ. ಅಲ್ಲದೇ ಈ ಆಮೆಯು ಕಳೆದ ಕೆಲ ದಿನಗಳಿಂದ ಕೀಲುನೋವಿನ ಸಮಸ್ಯೆಯಿಂದ ಬಳಲುತ್ತಿತ್ತು.

ಜರ್ಮನಿಯ ನಾರ್ತ್​ ರೈನ್​​ ವೆಸ್ಟ್ಪಾಲಿಯಾದಲ್ಲಿರುವ ಜೂಮ್​​ ಎರ್ಲೆಬ್​​ನಿಸ್ವೆಲ್ಟ್​​ ಜೆಲ್ಸೆನ್​ಕಿರ್ಚೆನ್​​ ನಲ್ಲಿ ಈ ದೈತ್ಯ ಆಮೆಗೆ ಚಿಕಿತ್ಸೆಯನ್ನ ನೀಡಲಾಗ್ತಿದೆ. ಈ ಆಮೆಯ ಮುಂದಿನ ಕಾಲುಗಳಲ್ಲಿ ಸಮಸ್ಯೆಗಳಿದ್ದು ಇದೀಗ ರೋಲರ್​ ಬೋರ್ಡ್​ ಮೂಲಕ ಓಡಾಡುತ್ತಿದೆ. ಈ ವಿಡಿಯೋವನ್ನ ಮೃಗಾಲಯವು ತನ್ನ ಫೇಸ್​ಬುಕ್​ ಪೇಜ್​ನಲ್ಲಿ ಶೇರ್​ ಮಾಡಿದೆ.

ಹೆಲ್ಮುತ್​ ತನ್ನ ಭುಜದ ಕೀಲುಗಳಲ್ಲಿ ಅದರಲ್ಲೂ ವಿಶೇಷವಾಗಿ ಬಲಭಾಗದಲ್ಲಿ ಸಮಸ್ಯೆಯನ್ನ ಹೊಂದಿತ್ತು. ಇದಕ್ಕೆ ದೀರ್ಘಾವಧಿ ತರಬೇತಿಯ ಅವಶ್ಯಕತೆ ಇದೆ. ಹೆಲ್ಮುತ್​ ಕೂಡ ಚಿಕಿತ್ಸೆಗೆ ಪ್ರತಿಕ್ರಿಯಿಸುತ್ತಿದ್ದಾನೆ ಎಂದು ಮೃಗಾಲಯದ ವಕ್ತಾರ ಹೇಳಿದ್ದಾರೆ.

https://www.facebook.com/ZoomErlebniswelt/videos/128779379207906/?t=0