ಮೈಕ್ರೋಸಾಫ್ಟ್ ಸ್ಥಾಪಕ ಬಿಲ್ ಗೇಟ್ಸ್ ಹಾಗೂ ಅವರ ಪತ್ನಿ ಮೆಲಿಂಡಾ ತಮ್ಮ 27 ವರ್ಷದ ದಾಂಪತ್ಯವನ್ನ ಕೊನೆಗಾಣಿಸುತ್ತಿರುವ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ನೀಡಿದ್ದಾರೆ.
ವಿಶ್ವದ ಶ್ರೀಮಂತ ದಂಪತಿಯಲ್ಲಿ ಒಬ್ಬರಾದ ಗೇಟ್ಸ್ ಹಾಗೂ ಮಿಲಿಂಡಾ ಜಂಟಿಯಾಗಿ 130 ಬಿಲಿಯನ್ ಡಾಲರ್ ಸಂಪತ್ತನ್ನ ಹೊಂದಿದ್ದಾರೆ. ಗೇಟ್ಸ್ ವಿಶ್ವಾದ್ಯಂತ ಶತಕೋಟಿಗೂ ಹೆಚ್ಚು ಹಣವನ್ನ ಸಾಮಾಜಿಕ ಕಾರ್ಯಕ್ಕೆ ದೇಣಿಗೆ ರೂಪದಲ್ಲಿ ನೀಡಿದ್ದಾರೆ.
ಟ್ವಿಟರ್ನಲ್ಲಿ ವಿಚ್ಛೇದನದ ಕುರಿತಂತೆ ಮಾಹಿತಿ ನೀಡಿರುವ ದಂಪತಿ, ಬಿಲ್ & ಮೆಲಿಂಡಾ ಗೇಟ್ಸ್ ಫೌಂಡೇಶನ್ನಲ್ಲಿ ಡಿವೋರ್ಸ್ ಬಳಿಕವೂ ಒಟ್ಟಾಗಿ ಕಾರ್ಯನಿರ್ವಹಿಸಲಿದ್ದೇವೆ ಎಂದು ಹೇಳಿದ್ದಾರೆ. ಈ ಫೌಂಡೇಷನ್ ಮೂಲಕ ಜಾಗತಿಕ ಆರೋಗ್ಯ, ಲಿಂಗ ಸಮಾನತೆ, ಶಿಕ್ಷಣ ಸೇರಿದಂತೆ ವಿವಿಧ ಸಾಮಾಜಿಕ ಕಾರ್ಯಕ್ಕೆ ದೇಣಿಗೆ ನೀಡಲಾಗುತ್ತೆ.
ನಮ್ಮ ಸಂಬಂಧದ ಬಗೆಗಿನ ಹೆಚ್ಚುವರಿ ಚಿಂತನೆಯ ಬಳಿಕ ನಾವು ಈ ಮದುವೆಯ ಬಂಧವನ್ನ ಕೊನೆಗಾಣಿಸುವ ನಿರ್ಧಾರಕ್ಕೆ ಬಂದಿದ್ದೇವೆ ಎಂದು ಟ್ವಿಟರ್ನಲ್ಲಿ ಜಂಟಿ ಪ್ರಕಟಣೆ ನೀಡಿದ್ದಾರೆ.
ಕಳೆದ 27 ವರ್ಷಗಳಿಂದ ಜೊತೆಯಲಿದ್ದ ನಾವು ಮೂವರು ಮಕ್ಕಳನ್ನ ಒಳ್ಳೆಯ ರೀತಿಯಲ್ಲಿ ಬೆಳೆಸಿದ್ದೇವೆ ಹಾಗೂ ಫೌಂಡೇಶನ್ ಮೂಲಕ ಸಾಮಾಜಿಕ ಸೇವೆಯನ್ನೂ ಮಾಡಿದ್ದೇವೆ. ಈ ಫೌಂಡೇಷನ್ ಮೂಲಕ ನಾವು ಮುಂದೆಯೂ ಜಾಗತಿಕ ಮಟ್ಟದಲ್ಲಿ ನಮ್ಮ ಸೇವೆಯನ್ನ ನೀಡಲಿದ್ದೇವೆ. ಆದರೆ ಈ ಹಂತದಲ್ಲಿ ನಾವಿಬ್ಬರು ದಂಪತಿಯಾಗಿ ಒಳ್ಳೆ ರೀತಿಯಲ್ಲಿ ನಡೆದುಕೊಂಡು ಹೋಗುತ್ತೇವೆ ಎಂಬ ನಂಬಿಕೆ ನಮ್ಮಲ್ಲಿ ಉಳಿದಿಲ್ಲ.
ಹೊಸ ಜೀವನವನ್ನ ಆರಂಭಿಸಲು ಹೊರಡುತ್ತಿರುವ ಈ ಸಂದರ್ಭದಲ್ಲಿ ದಯಮಾಡಿ ನಮ್ಮ ಕುಟುಂಬದ ಖಾಸಗಿತನಕ್ಕೆ ಧಕ್ಕೆ ಮಾಡದಿರಿ ಎಂದು ಮನವಿ ಮಾಡುತ್ತೇವೆ ಎಂದು ಬರೆಯಲಾಗಿದೆ.
ಮೆಲಿಂಡಾ ಗೇಟ್ಸ್ ಹಾಗೂ ಬಿಲ್ ಗೇಟ್ಸ್ ದಂಪತಿ ಒಬ್ಬರನ್ನೊಬ್ಬರು 1987ರಲ್ಲಿ ಮೊದಲ ಬಾರಿಗೆ ಭೇಟಿಯಾಗಿದ್ದರು ಹಾಗೂ 1994ಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು.
Loading ...