ಕೊರೊನಾ ಮಹಾಮಾರಿ ವಿಶ್ವಕ್ಕೆ ಬಂದಪ್ಪಳಿಸಿದ ಬಳಿಕ ಸಾಕಷ್ಟು ಮಂದಿ ತಮ್ಮ ಕೆಲಸ ಕಳೆದುಕೊಂಡಿದ್ದಾರೆ. ಇನ್ ಕೆಲವರು ಬ್ಯುಸಿನೆಸ್ನಲ್ಲಿ ಲಾಸ್ ಅನುಭವಿಸಿದ್ದಾರೆ. ಇದೇ ರೀತಿ ಬ್ರೆಜಿಲ್ ನಲ್ಲೂ ಕೊರೊನಾ ಬಳಿಕ ಆರ್ಥಿಕ ಸಂಕಷ್ಟಕ್ಕೆ ಒಳಗಾಗಿದ್ದ ಮಹಿಳೆ ಜೀವನೋಪಾಯಕ್ಕೆ ಹೊಸ ಮಾರ್ಗ ಹುಡುಕಿ ಎಲ್ಲರ ಹುಬ್ಬೇರಿಸುವಂತೆ ಮಾಡಿದ್ದಾರೆ.
ವಾಲ್ಸಿನಿಯಾ ಮಚಾದೊ ಎಂಬ 51 ವರ್ಷದ ಮಹಿಳೆ ಮೂಲತಃ ಸಣ್ಣ ಉದ್ಯಮಿ. ಆದ್ರೆ ಕೋವಿಡ್ ಬಳಿಕ ಉದ್ಯಮ ಸಂಪೂರ್ಣ ನೆಲಕಚ್ಚಿ ಹೋಗಿತ್ತು. ಕೈಲಿದ್ದ ಹಣವೆಲ್ಲ ಖಾಲಿಯಾಗ್ತಿದ್ದಂತೆ ಧೃತಿಗೆಡದ ಈ ಮಹಿಳೆ ತನ್ನ ಕಾರನ್ನೇ ಫ್ಲವರ್ ಶಾಪ್ ಆಗಿ ಮಾರ್ಪಾಡು ಮಾಡಿದ್ದಾರೆ.
ರಸ್ತೆ ಬದಿಯಲ್ಲಿ ತನ್ನ ಕಾರಿನ ಶಾಪ್ ಇಟ್ಟಿರೋ ಈಕೆ ಇದಲ್ಲಿ ಸನ್ ಫ್ಲವರ್, ಆರ್ಚಿಡ್, ಗುಲಾಬಿ ಸೇರಿದಂತೆ ಸಾಕಷ್ಟು ಹೂವನ್ನ ಮಾರಾಟ ಮಾಡ್ತಿದ್ದಾರೆ. ಇನ್ನು ಈ ಬಗ್ಗೆ ಮಾತನಾಡಿರೋ ಮಚಾದೋ, ನನ್ನ ಬಳಿ ಮನೆಯ ಬಾಡಿಗೆ ಕಟ್ಟೋಕೂ ಹಣವಿರಲಿಲ್ಲ. ಹೀಗಾಗಿ ಕಾರನ್ನ ಫ್ಲವರ್ ಶಾಪ್ ಆಗಿ ಮಾರ್ಪಾಡೋ ಮಾಡೋ ನಿರ್ಧಾರಕ್ಕೆ ಬಂದೆ. ಇದೀಗ ನನ್ನ ಈ ಹೊಸ ಉದ್ಯಮ ಬಹಳ ಚೆನ್ನಾಗಿ ನಡೀತಿದೆ ಅಂತಾ ಸಂತಸ ಹೊರಹಾಕ್ತಿದ್ದಾರೆ.
Loading ...