ರಸ್ತೆ ಉದ್ಘಾಟನೆ ಕಾರ್ಯಕ್ರಮದ ವೇಳೆ ಬಯಲಾಯ್ತು ಕಾಮಗಾರಿ ಅಸಲಿಯತ್ತು..! ತೆಂಗಿನಕಾಯಿ ಒಡೆಯುತ್ತಿದ್ದಂತೆ ಬಿಡ್ತು ಬಿರುಕು

ಇದರಿಂದ ಕೋಪಗೊಂಡ ಬಿಜ್ನೋರ್​ ಸಾದರ್​ ಕ್ಷೇತ್ರದ ಶಾಸಕಿ ಸುಚಿ ಮೌಸಮ್​ ಚೌಧರಿ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸುವವರೆಗೂ ಕಾದು ಬಳಿಕ ರಸ್ತೆಯ ಕಾಮಗಾರಿ ಸ್ಯಾಂಪಲ್​ನ್ನು ತನಿಖೆ ಮಾಡುವಂತೆ ಆದೇಶಿಸಿದ್ದಾರೆ.

ಕಳಪೆ ಕಾಮಗಾರಿ ನಡೆಸಿದವರ ವಿರುದ್ಧ ಕಠಿಣ ಕ್ರಮಕ್ಕೆ ಬಿಜೆಪಿ ಶಾಸಕಿ ಸುಚಿ ಮೌಸಂ ಚೌಧರಿ ಆದೇಶಿಸಿದ್ದಾರೆ. ಅಲ್ಲದೇ ಡಾಂಬರು ಮಾದರಿಯನ್ನು ಸಂಗ್ರಹ ಮಾಡಲು ಸ್ಥಳದಲ್ಲಿ ವಿಶಾಲವಾದ ಗುಂಡಿಯನ್ನು ತೋಡಲು ಶಾಸಕಿ ಕೂಡ ಸಹಾಯ ಮಾಡಿದ್ದಾರೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಶಾಸಕಿ ಸುಚಿ ಮೌಸಂ ಚೌಧರಿ, ನೀರಾವರಿ ಇಲಾಖೆಯು 1.16 ಕೋಟಿ ರೂಪಾಯಿ ವೆಚ್ಚದಲ್ಲಿ ರಸ್ತೆ ಮರು ನಿರ್ಮಾಣ ಕಾರ್ಯವನ್ನು ಮಾಡಿದೆ. ಇದು ಸುಮಾರು 7.5 ಕಿಲೋಮೀಟರ್​ ಉದ್ದದ ರಸ್ತೆಯಾಗಿದ್ದು ನನ್ನನ್ನು ಉದ್ಘಾಟನೆ ಕಾರ್ಯಕ್ರಮಕ್ಕೆ ಆಹ್ವಾನಿಸಿದ್ದರು. ಇಲ್ಲಿ ನೋಡಿದರೆ ತೆಂಗಿನಕಾಯಿ ಒಡೆಯುತ್ತಲೇ ರಸ್ತೆ ಬಿರುಕುಬಿಟ್ಟಿದೆ ಎಂದು ಹೇಳಿದ್ರು.