ಮೆಟಾ ಕಂಪನಿ ಮಾಲೀಕತ್ವದ ಅಪ್ಲಿಕೇಶನ್, ಇನ್ಸ್ಟಾಗ್ರಾಂನಲ್ಲಿ ಭದ್ರತೆ ದೃಷ್ಟಿಯಿಂದ ಹೊಸದೊಂದು ಬದಲಾವಣೆಯನ್ನು ಮಾಡಲಾಗಿದೆ ಎಂದು ವರದಿಯಾಗಿದೆ. ಬಳಕೆದಾರರಿಗೆ ಅವರ ಖಾತೆಯನ್ನು ವೆರಿಫೈ ಮಾಡಲು ಮುಖದ ವಿವಿಧ ಭಂಗಿಗಳನ್ನು ತೋರಿಸುವ ವಿಡಿಯೋ ಸೆಲ್ಫಿಯನ್ನು ಒದಗಿಸುವಂತೆ ಕೇಳಿದೆ.
ಎಕ್ಸ್ಡಿಎ ಡೆವಲಪರ್ಸ್ ನೀಡಿರುವ ಮಾಹಿತಿಯ ಪ್ರಕಾರ ಅನೇಕ ಇನ್ಸ್ಟಾಗ್ರಾಂ ಬಳಕೆದಾರರಿಗೆ ಈಗ ಇರುವ ಖಾತೆಗಳನ್ನು ಪರಿಶೀಲಿಸುವ ಸಲುವಾಗಿ ವಿಡಿಯೋ ಸೆಲ್ಫಿಯನ್ನು ನೀಡುವಂತೆ ಇನ್ಸ್ಟಾಗ್ರಾಂ ಕೇಳಿದೆ ಎನ್ನಲಾಗಿದೆ. ಕಂಪನಿಯು ಕಳೆದ ವರ್ಷವೇ ಈ ವೈಶಿಷ್ಟ್ಯದ ಪರಿಶೀಲನೆಗೆ ಮುಂದಾಗಿತ್ತು ಆದರೆ ತಾಂತ್ರಿಕ ಸಮಸ್ಯೆಯನ್ನು ಎದುರಿಸಿತ್ತು
ಇದೀಗ ಮೆಟಾ ಕೂಡ ಈ ವೈಶಿಷ್ಟ್ಯವನ್ನು ಬಳಸಿಕೊಂಡು ಇನ್ಸ್ಟಾಗ್ರಾಂನಲ್ಲಿರುವ ನಕಲಿ ಖಾತೆಗಳನ್ನು ಡಿಲಿಟ್ ಮಾಡಲು ಮುಂದಾಗಿದೆ ಎಂದು ತಿಳಿದುಬಂದಿದೆ. ಒಮ್ಮೆ ವಿಡಿಯೋ ಸಂಪೂರ್ಣವಾಗಿ ರೆಕಾರ್ಡ್ ಆದ ಬಳಿಕ ಬಳಕೆದಾರರು ಖಾತೆ ದೃಢೀಕರಣಕ್ಕಾಗಿ ಈ ವಿಡಿಯೋವನ್ನು ಸಬ್ಮಿಟ್ ಮಾಡಬೇಕು. ಈ ವಿಡಿಯೋ ಇನ್ಸ್ಟಾಗ್ರಾಂನಲ್ಲಿ ನಿಮಗೆ ಎಲ್ಲಿಯೂ ಕಾಣಸಿಗೋದಿಲ್ಲ. 30 ದಿನಗಳ ಅಂತರದಲ್ಲಿ ಸರ್ವರ್ನಲ್ಲಿ ಈ ವಿಡಿಯೋ ಡಿಲೀಟ್ ಕೂಡ ಆಗಲಿದೆ.
ಈ ನಡುವೆ ಇನ್ಸ್ಟಾಗ್ರಾಂ ಟೇಕ್ ಎ ಬ್ರೇಕ್ ಎಂಬ ಹೊಸ ವೈಶಿಷ್ಟ್ಯವನ್ನೂ ಪರಿಶೀಲಿಸುತ್ತಿದೆ. ಈ ವೈಶಿಷ್ಟ್ಯದ ಮೂಲಕ ಅಪ್ಲಿಕೇಶನ್ನಿಂದ ನಿಯಮಿತ ವಿರಾಮವನ್ನು ಪಡೆಯಬಹುದಾಗಿದೆ.
ಈ ವಿಚಾರವಾಗಿ ಮಾತನಾಡಿದ ಇನ್ಸ್ಟಾಗ್ರಾಂ ಮುಖ್ಯಸ್ಥ ಅದಾಂ ಮೊಸ್ಸೆರಿ, ಇನ್ಸ್ಟಾಗ್ರಾಂನಲ್ಲಿ ಬಹುಬೇಡಿಕೆಯ ಟೇಕ್ ಎ ಬ್ರೇಕ್ ವೈಶಿಷ್ಟ್ಯವು ನಿಮಗೆ ಹೆಚ್ಚು ಕಾಲ ಇನ್ಸ್ಟಾದಲ್ಲಿ ಸಮಯ ಕಳೆದುದ್ದನ್ನು ಜ್ಞಾಪಿಸುತ್ತದೆ. ಈ ಆಯ್ಕೆಯು ಡಿಸೆಂಬರ್ ತಿಂಗಳಲ್ಲಿ ಲಭ್ಯವಿರುವ ಸಾಧ್ಯತೆ ಎಂದು ಅಂದಾಜಿಸಿದ್ದಾರೆ.
Loading ...