ದೇಹ ಊನವಾಗಿದ್ದರೇನು ? ಮನಸ್ಸಿದ್ದರೆ ಮಾರ್ಗ ಎಂಬುದನ್ನು ಗೋವಾದ 30 ವರ್ಷದ ವ್ಯಕ್ತಿ ಟಿಂಕೇಶ್ ಕೌಶಿಕ್ ಸಾಬೀತು ಮಾಡಿದ್ದಾರೆ. ಸಮುದ್ರ ಮಟ್ಟದಿಂದ 17,598 ಅಡಿ ಎತ್ತರದಲ್ಲಿರುವ ಮೌಂಟ್ ಎವರೆಸ್ಟ್ ಬೇಸ್ ಕ್ಯಾಂಪ್ ತಲುಪಿದ ವಿಶ್ವದ ಮೊದಲ ಟ್ರಿಪಲ್ ಅಂಗವಿಕಲರಾಗಿ ( 2 ಕಾಲು ಒಂದು ಕೈಯಿಲ್ಲದ) ಟಿಂಕೇಶ್ ಕೌಶಿಕ್ ಹೆಸರು ಮಾಡಿದ್ದಾರೆ. ಹೇಗೆಂದು ಖಾಸಗಿ ಅಂಗವಿಕಲ ಹಕ್ಕುಗಳ ಸಂಸ್ಥೆ ಹೇಳಿಕೊಂಡಿದೆ.
ಮೇ 11 ರಂದು ಎವರೆಸ್ಟ್ ಬೇಸ್ ಕ್ಯಾಂಪ್ ಪ್ರಯಾಣವನ್ನು ಪೂರ್ಣಗೊಳಿಸಿದ ಕೌಶಿಕ್, ತಮ್ಮ ದೈಹಿಕ ವಿಕಲತೆಯ ಹೊರತಾಗಿಯೂ, ತಮ್ಮ ಮಾನಸಿಕ ಶಕ್ತಿಯಿಂದ ಈ ಸಾಧನೆಯನ್ನು ಸಾಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ಹೇಳಿದೆ.
ಹರಿಯಾಣದಲ್ಲಿ 9 ವರ್ಷ ವಯಸ್ಸಿನವನಾಗಿದ್ದಾಗ ವಿದ್ಯುತ್ ಅಪಘಾತದ ನಂತರ ತನ್ನ ಮೊಣಕಾಲುಗಳ ಕೆಳಗೆ ತನ್ನ ಎರಡೂ ಕಾಲುಗಳನ್ನು ಮತ್ತು ಒಂದು ಕೈಯನ್ನು ಕೌಶಿಕ್ ಕಳೆದುಕೊಂಡರು. ಪ್ರಾಸ್ಥೆಟಿಕ್ ಅಂಗಗಳನ್ನು ಬಳಸುವ ಇವರು ಕೆಲ ವರ್ಷಗಳ ಹಿಂದೆ ಗೋವಾಕ್ಕೆ ತೆರಳಿ ಫಿಟ್ನೆಸ್ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಕೌಶಿಕ್ ಅವರು ತಮ್ಮ ಸಾಧನೆಗಳಿಂದ ಗೋವಾಕ್ಕೆ ಹೆಮ್ಮೆ ತಂದಿದ್ದಾರೆ ಎಂದು ಗೋವಾದ ಅಂಗವಿಕಲರ ಹಕ್ಕುಗಳ ಸಂಘದ (ಡ್ರ್ಯಾಗ್) ಮುಖ್ಯಸ್ಥ ಅವೆಲಿನೋ ಡಿಸೋಜಾ ತಿಳಿಸಿದರು.
ಶ್ರೀ ಕೌಶಿಕ್ ಅವರು ಫಿಟ್ನೆಸ್ ತರಬೇತುದಾರರಾಗಿರುವುದರಿಂದ ಚಾರಣ ಸುಲಭವಾಗುತ್ತದೆ ಎಂದು ಅವರು ಭಾವಿಸಿದ್ದರು. ಆದರೆ ಅದಕ್ಕಾಗಿ ತಯಾರಿ ಆರಂಭಿಸಿದಾಗ ಸವಾಲುಗಳನ್ನು ಅರಿತುಕೊಂಡರು. “ನನಗೆ ಪರ್ವತಾರೋಹಣದಲ್ಲಿ ಯಾವುದೇ ಪೂರ್ವ ಅನುಭವ ಇರಲಿಲ್ಲ. ಬೇಸ್ ಕ್ಯಾಂಪ್‌ಗೆ ಹೋಗುವ ಮೊದಲು ನಾನು ಅದಕ್ಕಾಗಿ ತಯಾರಿ ನಡೆಸಿದ್ದೇನೆ. ನಾನು ವೃತ್ತಿಯಲ್ಲಿ ಫಿಟ್ನೆಸ್ ಕೋಚ್ ಆಗಿದ್ದೇನೆ ಮತ್ತು ಇದು ನನಗೆ ಸುಲಭವಾದ ಚಾರಣ ಎಂದು ಭಾವಿಸಿದೆ” ಎಂದು ಅವರು ಹೇಳಿದರು.
ಕೌಶಿಕ್ ಅವರು ಈ ಸಾಧನೆ ಮಾಡಲು ಮುಂದಾದಾಗ ಅವರ ಅಂಗವಿಕಲತೆಯ ಮಟ್ಟ ಮತ್ತು ಪ್ರಾಸ್ಥೆಟಿಕ್ ಅಂಗಗಳ ಕಾರಣದಿಂದಾಗಿ ಮೊದಲ ದಿನ ಅವರಿಗೆ ತುಂಬಾ ನೋವಾಗಿತ್ತು. ದಿನಕಳೆದಂತೆ ಅನಾರೋಗ್ಯ ಕಾಡಿದರೂ ಮಾನಸಿಕ ಶಕ್ತಿಯಿಂದಾಗಿ ಚಾರಣವನ್ನು ಮುಗಿಸಲು ಸಾಧ್ಯವಾಯಿತು ಎಂದು ಹೇಳಿದರು.
ಈ ಕಾರ್ಯವನ್ನು ಸಾಧಿಸಿದ ಕೂಡಲೇ ಕೌಶಿಕ್ ತಮ್ಮ ಇನ್ ಸ್ಟಾಗ್ರಾಂ ಖಾತೆಯಲ್ಲಿ “ಇಂದು, ಮೇ 11, 2024 ರಂದು, ನಾನು ಎವರೆಸ್ಟ್ ಬೇಸ್ ಕ್ಯಾಂಪ್‌ಗೆ ಚಾರಣ ಮಾಡುವ ಸವಾಲನ್ನು ಪೂರ್ಣಗೊಳಿಸಿದೆ. 90 ಪ್ರತಿಶತ ಲೊಕೊಮೊಟರ್ ಅಸಾಮರ್ಥ್ಯದೊಂದಿಗೆ ಈ ಸಾಧನೆ ಮಾಡಿದ ಮೊದಲ ಟ್ರಿಪಲ್ ಅಂಗವಿಕಲ. ಇದು ನನಗೆ ತುಂಬಾ ಭಾವನಾತ್ಮಕ ಕ್ಷಣವಾಗಿದೆ ನನ್ನನ್ನು ಬೆಂಬಲಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು ” ಎಂದು ಹೇಳಿದ್ದಾರೆ.
Loading ...