ಭಾರತೀಯ ಸೇನೆ ಸೇರ ಬಯಸುವವರಿಗೆ ಗುಡ್ ನ್ಯೂಸ್: 381 ಹುದ್ದೆಗಳಿಗೆ ಅರ್ಜಿ

ನವದೆಹಲಿ: ಭಾರತೀಯ ಸೇನೆಯು ಕಿರು ಸೇವಾ ಆಯೋಗಕ್ಕೆ(ಎಸ್‌ಎಸ್‌ಸಿ) ಅರ್ಜಿಗಳನ್ನು ಆಹ್ವಾನಿಸಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ joinindianarmy.nic.in ಗೆ ಭೇಟಿ ನೀಡುವ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಫೆಬ್ರವರಿ 21, 2024 ಅರ್ಜಿ ಸಲ್ಲಿಸಲು ಕೊನೆ ದಿನವಾಗಿದೆ.

ಭಾರತೀಯ ಸೇನೆಯ SSC ನೇಮಕಾತಿ 2024 ನೇಮಕಾತಿ ಅಭಿಯಾನದ ಮೂಲಕ ಇಲಾಖೆಯಲ್ಲಿ ಒಟ್ಟು 381 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ. ಮೆರಿಟ್‌ನ ಅಂತಿಮ ಆದೇಶದ ಪ್ರಕಾರ(ಇಂಜಿನಿಯರಿಂಗ್ ಸ್ಟ್ರೀಮ್ ವಾರು) ಖಾಲಿ ಹುದ್ದೆಗಳ ಲಭ್ಯತೆಯವರೆಗೆ, ಅರ್ಹತೆ ಮತ್ತು ಶಾರ್ಟ್‌ಲಿಸ್ಟ್ ಮಾಡಿದ ಹುದ್ದೆಗಳ ಅಭ್ಯರ್ಥಿಗಳಿಗೆ 49 ವಾರಗಳವರೆಗೆ ಚೆನ್ನೈನ ಆಫೀಸರ್ಸ್ ಟ್ರೈನಿಂಗ್ ಅಕಾಡೆಮಿಯಲ್ಲಿ ತರಬೇತಿ ನೀಡಲಾಗುತ್ತದೆ.

ಅರ್ಹತಾ ಮಾನದಂಡ

ಅಗತ್ಯವಿರುವ ಎಂಜಿನಿಯರಿಂಗ್ ಪದವಿ ಉತ್ತೀರ್ಣರಾದವರು, ಎಂಜಿನಿಯರಿಂಗ್ ಪದವಿಯ ಅಂತಿಮ ವರ್ಷದಲ್ಲಿದ್ದವರು ಅರ್ಜಿ ಸಲ್ಲಿಸಬಹುದು(ಎಂಜಿನಿಯರಿಂಗ್ ಪದವಿಯ ಅಂತಿಮ ವರ್ಷದಲ್ಲಿದ್ದವರು ಅಕ್ಟೋಬರ್ 1, 2024 ರೊಳಗೆ ಎಲ್ಲಾ ಸೆಮಿಸ್ಟರ್‌ಗಳು ಅಥವಾ ವರ್ಷಗಳ ಅಂಕಪಟ್ಟಿಗಳೊಂದಿಗೆ ಉತ್ತೀರ್ಣರಾದ ಪುರಾವೆಗಳನ್ನು ಸಲ್ಲಿಸಬೇಕಾಗುತ್ತದೆ.)

ತಾಂತ್ರಿಕೇತರರಿಗೆ ಯಾವುದೇ ವಿಭಾಗದಲ್ಲಿ ಪದವಿ, ಟೆಕ್‌ಗಾಗಿ ಯಾವುದೇ ಎಂಜಿನಿಯರಿಂಗ್ ಸ್ಟ್ರೀಮ್‌ನಲ್ಲಿ ಬಿಇ ಅಥವಾ ಬಿಟೆಕ್ ಆಗಿರಬೇಕು.

SSC(ಟೆಕ್) ಗೆ- 63 ಪುರುಷರು ಮತ್ತು SSCW(Tech)- 34 ಮಹಿಳೆಯರು: ಅಕ್ಟೋಬರ್ 1, 2024 ರಂತೆ 20 ರಿಂದ 27 ವರ್ಷಗಳು(ಅಕ್ಟೋಬರ್ 2, 1997 ಮತ್ತು ಅಕ್ಟೋಬರ್ 1, 2004 ರ ನಡುವೆ ಜನಿಸಿದ ಅಭ್ಯರ್ಥಿಗಳು) ವಯೋಮಿತಿ ಇದೆ.

SSC(ಟೆಕ್) ಪುರುಷರು 350, SSC(ಟೆಕ್) ಮಹಿಳೆಯರು 29 ಸೇರಿ ಇತರೆ ಹುದ್ದೆಗಳಿವೆ. ಹೆಚ್ಚಿನ ವಿವರಗಳಿಗೆ ವೆಬ್ ಸೈಟ್ ಗಮನಿಸಬಹುದಾಗಿದೆ.