ಸೇನಾ ನೇಮಕಾತಿ: 10, 12 ನೇ ತರಗತಿ ಪಾಸಾದವರಿಗೆ ಉದ್ಯೋಗಾವಕಾಶ

ಭಾರತೀಯ ಸೇನೆಯು ಗ್ರೂಪ್ C ಮತ್ತು ಗ್ರೆನೇಡಿಯರ್ಸ್ ರೆಜಿಮೆಂಟಲ್ ಸೆಂಟರ್‌ ನಲ್ಲಿ ಬೆಂಗಾಲ್ ಇಂಜಿನಿಯರ್ ಗ್ರೂಪ್, ರೂರ್ಕಿ, ಜಬಲ್‌ ಪುರದಲ್ಲಿ ಲೆವೆಲ್ 1 ಮತ್ತು ಲೆವೆಲ್ 2 ಹುದ್ದೆಗಳಿಗೆ ನೇಮಕಾತಿಗಾಗಿ ಅರ್ಜಿಗಳನ್ನು ಆಹ್ವಾನಿಸಿದೆ.

ಹುದ್ದೆಗಳಿಗೆ ಆಸಕ್ತ ಅಭ್ಯರ್ಥಿಗಳು ಆಫ್‌ ಲೈನ್ ಅರ್ಜಿಯನ್ನು ಸಲ್ಲಿಸಬೇಕು. 10, 12ನೇ ತರಗತಿ ಉತ್ತೀರ್ಣರಾದವರೂ ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು.

ನೇಮಕಾತಿ ಅಭಿಯಾನದ ಮೂಲಕ, ಬಿಇಜಿ ರೂರ್ಕಿಯಲ್ಲಿ ಗ್ರೂಪ್ ಸಿ ಯ 36 ಹುದ್ದೆಗಳು ಮತ್ತು ಜಿಆರ್‌ಸಿ ಜಬಲ್‌ ಪುರದಲ್ಲಿ ಹಂತ 1 ಮತ್ತು ಹಂತ 2 ರ 14 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ. ಇದರಲ್ಲಿ ಲೋವರ್ ಡಿವಿಷನ್ ಕ್ಲರ್ಕ್, ವಾಚ್‌ ಮ್ಯಾನ್, ಬಾರ್ಬರ್, ರೇಂಜ್ ಚೌಕಿದಾರ್, ಸಫಾಯಿವಾಲಾ, ಟೆಲ್ಲರ್, ಸ್ಟೋರ್ ಕೀಪರ್ ಮತ್ತು ಕುಕ್ ಹುದ್ದೆಗಳು ಸೇರಿವೆ.

BEG ಸೆಂಟರ್ ರೂರ್ಕಿಯ ಪೋಸ್ಟ್‌ ಗಳಿಗೆ ಅರ್ಜಿ ಸಲ್ಲಿಸಲು, ಅಭ್ಯರ್ಥಿಗಳು ಭಾರತೀಯ ಸೇನೆಯ ಅಧಿಕೃತ ವೆಬ್‌ಸೈಟ್ indianarmy.nic.in ನಿಂದ ಅರ್ಜಿ ನಮೂನೆಯನ್ನು ಡೌನ್‌ ಲೋಡ್ ಮಾಡಿಕೊಳ್ಳಬೇಕು. ಇದಲ್ಲದೆ, ಅರ್ಜಿ ನಮೂನೆಯು ನೇಮಕಾತಿ ಅಧಿಸೂಚನೆಯಲ್ಲಿ ಲಭ್ಯವಿದೆ. ನಿಗದಿತ ನಮೂನೆಯಲ್ಲಿ ಅರ್ಜಿ ನಮೂನೆಯನ್ನು ಭರ್ತಿ ಮಾಡುವ ಮೂಲಕ ಮತ್ತು ಎಲ್ಲಾ ಕಡ್ಡಾಯ ದಾಖಲೆಗಳನ್ನು ಲಗತ್ತಿಸುವ ಮೂಲಕ ಅಭ್ಯರ್ಥಿಗಳು ಫಾರ್ಮ್ ಅನ್ನು ‘ದಿ ಕಮಾಂಡೆಂಟ್, ಬೆಂಗಾಲ್ ಇಂಜಿನಿಯರ್ ಗ್ರೂಪ್ (ಬಿಇಜಿ) ಸೆಂಟರ್ ರೂರ್ಕಿ, ಹರಿದ್ವಾರ, ಉತ್ತರಾಖಂಡ್’ ಗೆ ಕಳುಹಿಸಬೇಕು.

ಜಿ.ಆರ್‌.ಸಿ. ಜಬಲ್‌ಪುರದ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು, ಅಭ್ಯರ್ಥಿಗಳು ವೆಬ್ ಸೈಟ್ ನಿಂದ ಅರ್ಜಿ ನಮೂನೆಯನ್ನು ಡೌನ್‌ ಲೋಡ್ ಮಾಡಿಕೊಳ್ಳಬೇಕು. ಮತ್ತು ಅದನ್ನು ‘ದಿ ಕಮಾಂಡೆಂಟ್, ಗ್ರೆನೇಡಿಯರ್ಸ್ ರೆಜಿಮೆಂಟಲ್ ಸೆಂಟರ್ (ಜಿಆರ್‌ಸಿ), ಜಬಲ್‌ಪುರ, ಮಧ್ಯಪ್ರದೇಶ, ಪಿನ್-482001’ ವಿಳಾಸಕ್ಕೆ ಕಳುಹಿಸಬೇಕು.