ಸಂಕಷ್ಟದಲ್ಲಿ ಜ್ಞಾನತಾಣ: ಭಾರತೀಯರಿಂದ 150 ರೂ‌. ಕೇಳಿದ ವಿಕಿಪೀಡಿಯಾ

ಜಗತ್ತಿನ 7ನೇ ಅತಿದೊಡ್ಡ ಆನ್‌ಲೈನ್ ಜ್ಞಾನತಾಣ ಎನಿಸಿರುವ ವಿಕಿಪೀಡಿಯಾ ಪ್ರತಿಷ್ಠಾನ (ಡಬ್ಲ್ಯುಎಂಎಫ್)ವು ಭಾರತೀಯರಿಂದ 150 ರೂಪಾಯಿ ದೇಣಿಗೆ ಕೇಳಿದೆ.

ಗೂಗಲ್ ನಲ್ಲಿ ಯಾವುದೇ ವ್ಯಕ್ತಿ, ಸ್ಥಳ, ಪ್ರಾಣಿ, ಪಕ್ಷಿ ಬಗ್ಗೆ ಮಾಹಿತಿ ಕೇಳಿದರೂ ಸಿಗುವುದು ವಿಕಿಪೀಡಿಯಾದಲ್ಲಿಯೇ. ಈ ಜ್ಞಾನತಾಣ ನಡೆಸುತ್ತಿರುವ ವಿಕಿಪೀಡಿಯಾ ಪ್ರತಿಷ್ಠಾನ ಸಂಕಷ್ಟಕ್ಕೆ ಸಿಲುಕಿದ್ದು, ಭಾರತೀಯ ಓದುಗರು ತಲಾ 150 ರೂ‌. ದೇಣಿಗೆ ನೀಡುವಂತೆ ಕೋರಿದೆ.

ವಿಕಿಪೀಡಿಯಾದ ಮಾಹಿತಿ ಪಡೆದ ಜಗತ್ತಿನ ಅನೇಕರು ಎಷ್ಟೋ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಿದ್ದಾರೆ, ಪ್ರತಿ ಕೆಲಸಕ್ಕೂ ಮಾರ್ಗದರ್ಶನ ಪಡೆದಿದ್ದಾರೆ. ಎಲ್ಲವನ್ನೂ ಉಚಿತವಾಗಿ ನೀಡುತ್ತಿದ್ದ ವಿಕಿಪೀಡಿಯಾ ಈ ಹಿಂದೆ ಕೂಡ ದೇಣಿಗೆ ಕೇಳಿತ್ತು. ಇದೀಗ ವರ್ಷಕ್ಕೆ 150 ರೂ. ಪಾವತಿಸುವಂತೆ ಬೇಡಿಕೆ ಇಟ್ಟಿದ್ದು, ಓದುಗರಿಗೆ ಇದು ದೊಡ್ಡ ಮೊತ್ತವೇನಲ್ಲ. ಹೀಗಾಗಿ ಹೆಚ್ಚು ಸಂಗ್ರಹಣೆಯ ನಿರೀಕ್ಷೆಯೂ ಇದೆ.