ತಾಯಿ ಪ್ರೀತಿಗೆ ಸರಿ ಸಮನಾದದ್ದು ಯಾವುದೂ ಇಲ್ಲ ಎಂದು ಹೇಳ್ತಾರೆ. ತಾಯಿ ತೋರುವ ಕಾಳಜಿ ಹಾಗೂ ಮಮತೆ ಮತ್ತೆಲ್ಲೂ ಸಿಗೋದಿಲ್ಲ . ಇದೇ ಮಾತಿಗೆ ಸಾಕ್ಷಿ ಎಂಬಂತೆ ಟ್ವಿಟರ್ನಲ್ಲಿ ಫೋಟೋ ಒಂದು ಸಖತ್ ವೈರಲ್ ಆಗಿದೆ.
ಅಮೀರ್ ಖಾನ್ ಎಂಬ ಹೆಸರಿನ ಎನ್ಹೆಚ್ಎಸ್ ಆಸ್ಪತ್ರೆ ವೈದ್ಯ ತಮ್ಮ ತಾಯಿ ಕಳುಹಿಸಿದ ಮೆಸೇಜ್ನ ಸ್ಕ್ರೀನ್ಶಾಟ್ ಶೇರ್ ಮಾಡುವ ಮೂಲಕ ತಾಯಿಯ ಕಾಳಜಿ ಏನೆಂದು ತೋರಿಸಿದ್ದಾರೆ.
ಡಾ.ಅಮೀರ್ ಖಾನ್ ಶೇರ್ ಮಾಡಿರುವ ಮೆಸೇಜ್ನಲ್ಲಿ , ಅಮೀರ್ ನಿಮ್ಮ ತಾಯಿ ಹೇಳುತ್ತಿದ್ದಾರೆ. ನೀವು ಹೊರಗಡೆ ಹೋಗಬೇಕಾದ ಸಂದರ್ಭದ ಬಂದಾಗ ಕೋಟ್ ಧರಿಸಬೇಕಂತೆ. ಯಾಕೆಂದರೆ ಹೊರಗಡೆ ಮಂಜು ಇದೆ ಎಂದು ಬರೆಯಲಾಗಿದೆ.
ಈ ಫೋಟೋ ಶೇರ್ ಮಾಡಿರುವ ವೈದ್ಯ, ನನ್ನ ತಾಯಿ ನನಗೆ ಹಲವು ಬಾರಿ ಕರೆ ಮಾಡಿದ್ದರು. ಆದರೆ ನಾನು ಸರ್ಜರಿಯಲ್ಲಿ ಬ್ಯುಸಿ ಇದ್ದಿದ್ದರಿಂದ ಕಾಲ್ ರಿಸೀವ್ ಮಾಡೋಕೆ ಆಗಲಿಲ್ಲ. ಇದಾದ ಬಳಿಕ ರಿಸೆಪ್ಶನಿಸ್ಟ್ ಕಡೆಯಿಂದ ನನಗೆ ಈ ಮೆಸೇಜ್ ಸಿಕ್ಕಿದೆ ಎಂದು ಬರೆದುಕೊಂಡಿದ್ದಾರೆ.
ಈ ಪೋಸ್ಟ್ ಟ್ವಿಟರ್ನಲ್ಲಿ ಸಖತ್ ವೈರಲ್ ಆಗಿದೆ. ಅನೇಕರು ಈ ಮೆಸೇಜ್ನ್ನು ಕೊಂಡಾಡಿದ್ರೆ ಇನ್ನು ಕೆಲವರು ತಮ್ಮ ತಾಯಿ ತೋರಿದ ಕಾಳಜಿಯ ಕೆಲ ಘಟನೆಗಳನ್ನ ಮೆಲಕು ಹಾಕಿದ್ದಾರೆ.
Loading ...