ವರನಿಗೆ ಕೊರೊನಾ ಪಾಸಿಟಿವ್ ಬಂದ ಹಿನ್ನೆಲೆ ವಧು ವರರಿಬ್ಬರು ಪಿಪಿಇ ಕಿಟ್ ಧರಿಸಿಯೇ ಸಪ್ತಪದಿ ತುಳಿದ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ವಧು, ವರ ಸೇರಿದಂತೆ ಮೂವರು ಪಿಪಿಇ ಕಿಟ್ ಧರಿಸಿರೋದನ್ನ ಕಾಣಬಹುದಾಗಿದೆ. ವಧು ವರರು ಅಗ್ನಿಕುಂಡ ಪ್ರದಕ್ಷಿಣೆ ಹಾಕುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಾಗ್ತಿದೆ.
ಏಪ್ರಿಲ್ 19ನೇ ತಾರೀಖಿನಂದು ವರ ಕೊರೊನಾ ಸೋಂಕಿಗೆ ಒಳಗಾಗಿದ್ದರು. ನಾವು ಈ ಮದುವೆಯನ್ನ ನಿಲ್ಲಿಸಲು ನಿರ್ಧರಿಸಿದ್ದೆವು. ಆದರೆ ಮಾರ್ಗಸೂಚಿಗಳನ್ನ ಆಧರಿಸಿ ವಧು – ವರರಿಗೆ ಪಿಪಿಇ ಕಿಟ್ ಹಾಕಲಾಯಿತು ಎಂದು ಜಿಲ್ಲಾಡಳಿತದ ಅಧಿಕಾರಿ ನವೀನ್ ಗರ್ಗ್ ಹೇಳಿದ್ರು.
ದೇಶದಲ್ಲಿ ಕೊರೊನಾ ಕೇಸ್ ಅಧಿಕವಾಗುತ್ತಿದ್ದಂತೆಯೇ ಮಧ್ಯ ಪ್ರದೇಶದಲ್ಲಿ ಮದುವೆ ಸೇರಿದಂತೆ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳಿಗೆ ಕಠಿಣ ಮಾರ್ಗಸೂಚಿಗಳನ್ನ ವಿಧಿಸಲಾಗಿದೆ. ಮದುವೆಗೆ ಕೇವಲ 50 ಮಂದಿ ಅತಿಥಿಗಳಿಗೆ ಮಾತ್ರ ಅವಕಾಶ ನೀಡಲಾಗಿದೆ.
Loading ...